【BNO移民】申請續領BNO完全教學

BNO最新消息：

2020年12月6日	BNO 太空人：消息指英國正研究放寬「家庭入籍」的規定，或容許申請人毋需全體家庭成員同時入境。
2020年10月23日	英國公布BNO細節，2021年1月31日正式接受申請，合資格人士可以直接申請5年（費用250英磅），或30個月簽證（費用180英磅），而親屬沒BNO的話都可以以「受養人」身分一同赴英。
2020年9月23日	英國更新有關酌情入境（LOTR）安排，指BNO持有人申請LOTR提前入境英國，可帶97後出生非BNO子女，子女配偶及其未成年子女入境。
2020年7月22日	英國政府正式出指引，2021年1月將開放BNO持有人申請特別簽證，名為Hong Kong BN(O) Visa。持簽證人士可以在英國逗留30個月，30個月後可以再續多30個月或直接續期5年。居住滿5年後，再1年可以申請成為英國公民。指引有列出簽證的一些條件，如原本要居住於香港、要證明（銀行存款、受聘書等等）自己經濟上能在英國生活最少6個月等等。
2020年7月1日	5+1落實：英國宣佈將向BNO持有人提供5年有限居留許可，能工作或讀書，5年後可以申請定居身份，再12個月後能申請成為公民，沒有名額限制。有關計劃細節將在之後公佈。
2020年6月2日	英國首相約翰遜表示，如港區國安法落實，英國已準備好更改移民政策，讓香港BNO持有人延長在英國逗留時間至12個月，期間可以工作，令香港人更容易取得公民資格。

香港人續領BNO不時成為熱門問題，事實上續BNO有不少程序，但並非難事，有心要換的話，跟住呢個教學做就得！

BNO郵寄程序親試FedEx寄BNO文件

郵寄程序寫在最前是因為好多人唔清楚應該揀邊間快遞寄出申請BNO所需文件。香港嘅快遞公司以DHL同FedEx最多人用，而且暫時香港郵政都暫停咗空郵服務，所以先比較DHL同FedEx。價錢上，現時FedEx勝出，比DHL平一半。另外，寄件時間又要幾耐呢？剛好筆者昨日要寄BNO文件，親身去過觀塘兩間門市睇過。當日早上先去DHL睇睇，未開門前已經排咗十個、八個人，實在不想等，於是過隔離街FedEx，朝早九點唔洗排隊就可以寄件，入到去店員告知新會員寄件有6折，寄1份才$210！而且很詳細地協助筆者完成BNO寄件，非常熟手。所以筆者建議大家寄BNO文件應選FedEx，價錢完勝！

交好文件之後，可以透過收據上嘅號碼查看文件的派遞交情況。文件被 HMPO 簽收後，申請狀態可以上返HMPO 網頁查看，最快10日左右可以收到短訊預約取件，新BNO會同寄去英國嘅申請文件分開兩份寄返嚟。

DHL FedEx BNO文件運費比較（資料更新至2020年5月28日）

快遞公司	收費
DHL	~$442
FedEx	~$210(原價$350，但而家有優惠，登記成新會員，即享6折)

*以文件重量0.3kg計算

BNO 申請條件

申請者要喺1997 年回歸前出生，1997 年回歸後出生嘅朋友，就唔符合申請資格。除非父母擁有 BNO，又曾經喺護照嘅「included child」度，填咗你個名嘅話，咁都有資格申請。
BNO 身分係終身有效，只要喺 1997 年前，曾申請過 BNO，就算 BNO 過期幾耐，或者唔見咗，都有資格續領。

網上申請 BNO 填表教學

新系統下，上HMPO 網頁揀申請「Overseas British Passport Application」後，可以開始網上填表申請 BNO。份表大多數問題都可以選擇答案，跟返指示揀、填入資料就可以，最後就係付款頁面，畀埋錢就攪掂第一關。

步驟一：點選Start Now

步驟二：選擇是否居住於英國本土，如「是」選擇「Yes」，「否」請選擇No並揀選現時居住的國家／地區。

步驟三：填寫出生日期

步驟四：是否曾經擁有英國護照？如「是」選擇Yes，如「否」選擇No，留意BNO都算是英國護照。

步驟五：你的BNO有否遺失或被盜？如「是」選擇Yes，如「否」選擇No。

步驟六：填寫舊BNO的發出日期及發出機構，發出機構可以從舊Passport查看。

步驟七：BNO有否損毁？如「有」選擇Yes並填寫損毁原因，如「沒有」選擇No。

步驟八：選擇是否曾有歸化證明

步驟九：是否曾經擁有其他國家的護照（包括特區護照）？如「有」選擇Yes，如「沒有」選擇No。

步驟十：選擇出生國家／城市

步驟十一：（只在CODID-19時期出現）選擇是否要現在申請護照

步驟十二：上傳電子護照相片（有指定規格）

步驟十三：上載完相片完成後，填寫舊Passport號碼及到期日。

步驟十四：填寫個人姓名及是否曾更改姓名

步驟十五：是否曾經使用其他名字？如「有」選擇Yes並填寫舊名，如「沒有」選擇No。

步驟十五：選擇性別

步驟十六：填寫出生城市（如於香港出生兩項皆填寫Hong Kong即可）。

填寫父親、母親、祖父及祖母的姓名、出生日期、結婚日期。完成後選擇新護照頁數並繳交費用即完成網上填表手績。

BNO 護照收費

護照種類	價格（英磅）	郵費（英磅）
成人護照（34頁，10年有效期）	$86	$19.86
成人護照（50頁，10年有效期）	$96	$19.86

收費按BNO Passport頁數計算，一本34 頁十年期嘅成人護照加埋郵費要105.86英鎊 (約HK$1,010)，一本 50 頁十年期嘅成人護照加郵費就收115.86英鎊 (約HK$1,106)，畀Visa或Mastercard都得。

HongKongCard推薦BNO 護照收費信用卡

信用卡	回贈率/里數兌換率
滙豐Visa Signature卡	低至$1.78/里
滙豐 Red 信用卡	4%「獎賞錢」回贈
DBS Black World Mastercard	$4/里
Citi Cash Back Card	2%現金回贈
大新英國航空白金卡	$4/里

申請 BNO 所需文件

付款後就會收到電郵、短訊，當中有登入 HMPO 網頁嘅Link、HMPO郵寄地址、仲有申請編號（PEX-12 位數字）。咁就可以準備文件，用快遞或空郵掛號寄到英國。而且除非特別註明嘅文件，其他都要提供正本，以下就係一啲常見嘅所需文件：

已過期嘅舊 BNO 正本：如果搵唔返本舊 BNO，就要另外填寫「遺失或被盜護照通知書（LS01）」
12 個月內嘅住址證明正本：例如係政府信件、銀行月結單等
香港永久居民身份證：申請者需提供身份證正面、背面嘅彩色影印本
BNO 以外嘅護照：如申請者持有 BNO 以外嘅護照，如特區護照，就需將全本護照嘅每一頁從頭到尾、連埋封面用彩色影印出來。當然，申請者都可以選擇直接寄護照正本過去
出世紙：申請者需準備個人、父母、祖父母、外祖父母嘅出世紙
結婚証書：申請者亦需提供個人、父母、祖父母、外祖父母嘅結婚証書
證件相：只要用白色背景影相，並且符合指定要求，就可以直接上傳。上傳嗰陣系統會判斷埋相片合唔合符資格。
副簽證明（不一定需要，視乎系統是否需要你提交）

一定要副簽？BNO副簽人要求

其實續BNO並非一定要副簽，睇佢有冇要求你提交，如必須提交，以下就係BNO副簽人條件

認識不少於兩年
專業人士(現職或已退休)
指定國籍（首選英國國民包括BNO、愛爾蘭公民）（次選英聯邦國民、歐盟國家國民或美國護照持有人並須提供副簽者護照影印本）
不可為親屬
不可為同一居住點的人士
不可為於HMPO工作的人
不可為醫生，除非是真正認識你

獨家獎賞

信用卡

貸款

保險

理財戶口

理財文章

討論區

【BNO移民】申請續領BNO完全教學

BNO最新消息：