【開離岸戶口】香港4大銀行離岸戶口門檻比較

【開離岸戶口】香港4大銀行離岸戶口門檻比較

相關信用卡:

【開離岸戶口】香港4大銀行離岸戶口門檻比較

發表日期: 2020 年 12 月 08 日 更新日期: 2020 年 12 月 08 日 生活銀行戶口理財戶口

作者:編輯部

離岸戶口乃近來熱話,方法總有但最好就搵啲信得過。其實香港不少大型銀行都有提供開立海外離岸戶口服務,包括滙豐HSBC、花旗Citibank、渣打SCB、星展DBS,留喺香港就可以攪掂晒完成開戶,將資金轉到海外戶口,我哋逐一比較吓。

 

咩係離岸戶口

離岸戶口係指喺海外銀行開設嘅戶口。資金只要轉移到離岸戶口,屬於境外資產,就唔會再受本地境內監管,而係根據離岸戶口所在地嘅監管。而離岸戶口可以開喺邊,就要睇返間銀行嘅網絡覆蓋咗邊啲地區。唔少人喺外地留學、工作、生活時,都會開定離岸戶口,方便將喺香港嘅資金轉移到當地使用。

 

香港銀行離岸戶口比較表

銀行戶口 開戶門檻 手續費 留意事項
DBS 星展銀行豐盛理財 HK$100萬 豁免 不設最低存款額
HSBC 滙豐銀行尚玉 HK$780萬 豁免 需提供確切的原因說明
不設最低存款額
HSBC 滙豐銀行卓越理財 HK$100萬 豁免 需提供確切的原因說明
不設最低存款額
HSBC 滙豐銀行運籌理財 HK$20萬 HK$800 需提供確切的原因說明
需符合該地區最低存款要求
HSBC 滙豐銀行個人綜合理財 - $1,600 需提供確切的原因說明
需符合該地區最低存款要求
Citibank 花旗銀行 Citigold HK$150萬 豁免 開設海外帳戶需時約2至5個星期
Citibank 花旗銀行 花旗私人客戶 HK$800萬 豁免 開設海外帳戶需時約2至5個星期
SCB 渣打銀行優先理財 HK$100萬 視乎有關國家或地區之要求 視乎有關國家或地區之要求

 

星展銀行 DBS 離岸戶口

要透過星展銀行開離岸戶口,首先要係DBS Treasures星展豐盛理財客戶,最低開戶資金要求係100萬港幣。如果你係豐盛理財客戶,喺香港開星展離岸戶口,無任何手續費。只需要搵返客戶經理預約,再親身到星展豐盛理財中心辦理就可以。

 

滙豐銀行 HSBC 離岸戶口

滙豐任何個人客戶均可開立海外戶口,必須事先致電預約。如果有意開立離岸戶口,申請人需提供確切的原因說明。

開立離岸戶口手續費

戶口 手續費
滙豐尚玉 豁免
滙豐卓越理財 豁免
滙豐運籌理財 $800
個人綜合理財戶口 $1,600

 

花旗銀行 Citibank 離岸戶口

Citibank最多人問離岸戶口,因為佢係美國銀行,不過Citibank開立離岸戶口嘅門檻較高,需要持有最低結餘達$150萬嘅Citigold戶口或者$800萬嘅花旗私人客戶先可以申請。

 

渣打銀行 SCB 離岸戶口

渣打銀行方面,只有最高級、最低結餘有$100萬嘅優先理財客戶先申請得離岸戶口,預約客戶經理之後,可以去七間指定優先理財中心辦理手續,官網話只須填妥渣打指定離岸銀行之開戶申請表格,即可輕鬆辦妥開戶事宜。

 

最後要留意返,個別銀行嘅離岸戶口設有最低結餘要求,甚至要滿足到某海外地區規定嘅最低結餘要求,先可以開立海外離岸戶口。