【移民英國】準備事項：提取MPF / 搬運 / 搵學校
【移民英國】準備事項：提取MPF / 搬運 / 搵學校
更新日期: 2020 年 12 月 08 日
相關信用卡:

【移民英國】準備事項：提取MPF / 搬運 / 搵學校

發表日期: 2020 年 07 月 07 日 更新日期: 2020 年 12 月 08 日 生活
作者:編輯部

要移民英國，隨咗住屋、工作呢啲最重要嘅生活問題之外，都仲有一大堆貼身嘅事項需要注意同處理，就好似提取喺香港儲落強積金MPF、由香港搬運家俬行李過英國、幫仔女搵學校等等，都要一直喺出發之前做好準備。呢篇文章會列出移民英國事項，要移民嘅你記得入嚟睇呀！

 

移民前提取強積金MPF

正常要夠65歲先可以選擇以一筆過或分期的方式提取強積金。不過根據法例規定，移民即係永久性地離開香港，都屬於特定情況下，所以可以提早提取強積金。簡單嚟講，係必須聲明已經或將會離開香港，去其他地方居住，而無意作為香港永久性居民返回香港工作或再定居，並且提供令已獲准在香港以外某地方居住嘅證明。

所需文件包括：

 

移民搬屋：國際搬運成本

移民海外當然要埋齊成間屋嘅嘢過去啦，咁你就需要搵國際搬運公司喇，香港市面上嘅國際搬運公司普遍使用海運，需時通要1-2個月，可以揀散貨托運按重量收費，或者租成個貨櫃嚟搬運。另外，仲可以揀空郵，1-2個星期就寄到去，但相對會貴好多，隨非等唔切否則都建議用海運。另外，唔少搬運公司都會提供上門報價服務、包裝材料安排、額外存倉，選擇嗰時可以再望清楚要唔要額外收費。

以下係空郵同埋海運平郵嘅比較，收費係香港郵政提供嘅資料：

搬運方法 重量 收費 遞送日數
空郵 30kg $1,515 1-2個星期
海運 30kg $622 1-2個月

 

移民英國幫仔女搵學校

如果一家大細移民，都要幫仔女搵間學校，繼續學業。英國(除咗蘇格蘭，係7 年小學、6年中學加4年大學)同香港嘅教育制度差唔多，簡單嚟講都係分大學、高中、初中、小學。一般小學至初中嘅學生，都可以順利升讀英國中、小學嘅相應班級。其實英國嘅高中、大學學制係同以前嘅香港一樣，都係4年高中，包括兩個考試(GCSE、A-Level)，之後就係3年大學學士課程。

只要當你一申請到簽證，就可以向議會申請學校，政府學校係免費，而且英國學校好多，所以唔需要太擔心學位，每區都有好學校，揀地方住之前可以先問問心儀學校有無位，如果間屋近學校，學校又有位，政府就會派畀你。

想知道學校嘅詳細資料，可以上https://www.192.com/schools/做定功課。例如全校人數、男女比例、上課時間都可以睇到。

 

移民特集 2020