汽車保險

汽車保險

根據法例規定，《汽車保險（第三者風險）條例》（第272章）第4條，任何人士喺香港駕駛汽車，都必須備有一份有效的第三者風險保險單或保證單（俗稱三保），以保障其他道路使用者的安全，否則屬違法。因此搵一份好車保，成為香港車主優先要處理的要務。

三保及全保保障範圍比較

三保全寫係第三者責任保險，係強制性保險。三保嘅保障範圍就係保障第三者財產損毀同人身傷亡。除咗意外發生時投保嘅司機以外，其他所有都算第三者，包括投保汽車上嘅乘客。要留意返，三保係唔保障投保汽車本身。 全保即係綜合汽車保險，保障比三保更加全面。除咗有三保嘅保障之外，同時亦保障保單持有人自己架車因水災、火災、交通意外或者盜竊等帶來嘅損失。 保費方面，全保通常會比三保貴，會因應不同嘅保障內容有所分別。有啲保險公司指定期內仲會為全保客戶提供免費拖車、更換擋風玻璃服務、緊急支援服務等。不過，全保都有唔保嘅情況，如部分會將騷動、罷工、群眾活動列作「不保事項」。 簡單用個例子比較下三保同全保，夏天打風令座駕受損，譬如被重物、大樹壓毀、被風吹翻、玻璃窗損毀等，買咗全保嘅話，都可以獲得賠償，按維修費實報實銷。相反只買咗三保，由於個人汽車、財物損毀不屬保障範圍內，就唔可以向保險公司索償。

影響車保保費因素

一般而言，風險高，保費就愈高。影響保費高低嘅因素主要包括司機嘅年齡、職業、車齡、車款、駕駛紀錄、駕駛經驗、索償紀綠、交通違規紀錄等等。越年輕、駕駛經驗較淺嘅司機，保費就越高，相反有多年良好駕駛紀錄，又無索償紀錄嘅話，保險公司就會將保費減低。

何謂NCD/NCB

NCD(No Claim Discount)/NCB(No Claim Bonus)都係講緊同一樣嘢，就係無索償折扣。汽車保險設有無索償折扣機制，投保人若果一年內都無向向保險公司索償，下次續保時即可享折扣優惠，如累積5年無任何索償紀錄，有啲保險公司嘅NCD仲高達60％。而NCD係跟投保人而唔係跟架車嘅，所以買賣車輛係唔可以連NCD一齊賣畀新車主。
以下係一般嘅私家車無索償折扣率：
第一年駕駛無任何索償：20%的無索償折扣
第二年駕駛無任何索償：30%的無索償折扣
第三年駕駛無任何索償：40%的無索償折扣
第四年駕駛無任何索償：50%的無索償折扣
第五年駕駛無任何索償：60%的無索償折扣
如果你要轉另一間保險公司，都可以同時轉移之前嘅無索償折扣。只要提供之前無索償折扣嘅證明文件就可以喺新保單獲得無索償折扣。
無索償折扣係會喺保單取消或完結後12個月內失效。即係如果你超過一年無買買車保，新保單就會無咗個何無索償折扣，要從新累積無索償折扣。