【八達通 交通補貼】 公共交通費用補貼計劃 懶人包
【八達通 交通補貼】 公共交通費用補貼計劃 懶人包
相關信用卡:

【八達通 交通補貼】 公共交通費用補貼計劃 懶人包

發表日期: 2018 年 12 月 28 日 更新日期: 2020 年 06 月 02 日 生活
作者:編輯部

公共交通費用補貼計劃 實施 時間 與 要求

八達通交通津貼計劃2019年1月已經實施咗。不論年齡同入息,只需要每月公共交通開支超過$200,就可以獲得公共交通費用補貼。

*政府早前宣布推出第二輪防疫抗疫基金,放寬公共交通費用補貼計劃門檻,由現時$400降至$200,由7月1日起至今年年底。

公共交通費用補貼計劃 金額 計算 公式

補貼金額為公共交通開支超出$200嘅實際開支嘅三分之一,亦即係只需將每月交通開支減200後再x33%即可計算補貼金額,補貼金額上限為$400,即是每月車費$1400就剛好封頂,再多都係補$400。

我哋用兩個例子表達會清楚啲,舉例有兩個市民,市民A家住屯門,要去觀塘返工,全程地鐵的話,佢會買屯門到南昌全月通,月費$500任坐,之後南昌去觀塘嗰程仲有66折,所以除咗月費,每日來回加多$12.8。假設返22日工,每個月總支出係$781.6,可以claim到 (781.6-200) x 0.33,即$191。

食唔晒$400津貼,係咪唔抵?又唔可以咁睇,因為佢係計百份比,你Claim得越多即代表你用得越多。舉例,市民B家住愉景灣,去柴灣返工,假設佢同市民A工種唔同,要返25日。佢每日搭渡輪加港鐵返工放工,來回要$84,每個月總支出就要$2100,超出$1400封頂價。係,佢係Claim足$400,但補完都仲要畀$1700,所以冇必要食盡佢,用幾多補幾多就得。

  市民A 市民B
居住區域 屯門 愉景灣
上班區域 觀塘 柴灣
每日來回車費 $12.8(乘搭港鐵) $67+17(使用愉景灣居民八達通 先乘坐渡輪 再乘搭港鐵 中環往柴灣)
每月工作天數 22日 25日
月票價錢 $500(使用屯門 – 南昌全月通加強版)
每月基本交通費*

(12.8x22)+500=$781.6

(每日來回車費x日數)+月票價錢=每月基本交通費

(67+17)x25=$2100

(每日來回車費x日數)=每月基本交通費

可獲交通補貼費

(781.6-200)x0.33=$191

(每月基本交通費-扣除二百)x0.33=可獲交通補貼費

(2100-200)x0.33=$632

拿取補貼金額上限$400

(每月基本交通費-扣除二百)x0.33=可獲交通補貼費

扣除補貼後實際交通費 $590 $1700

*實際上假期交通費亦會計算在公共交通費用補貼計劃內,現只列出上班必需之基本交通費。

公共交通費用補貼計劃 適用 範圍

計劃只計算透過八達通卡支付嘅每月公共交通開支,當中包括乘搭港鐵、 專營巴士、專線小巴、渡輪、電車嘅費用購買上述公共交通服務月票/日票嘅費用(例如港鐵都會票、渡輪月票等),以及由運輸署批准納入計劃的指定紅色小巴、街渡及提供居民服務(邨巴)或僱員服務(員工巴士)的非專營巴士服務路線。就紅色小巴、邨巴、員工巴士及街渡而言,每輛/每艘已經獲批准參與計劃的車輛/船隻內或其八達通讀寫器上都會展示本計劃的標誌。

如何 領取 公共交通費用補貼

計劃毋需事先申請,只需要每月在指定期間透過八達通手機應用程式或者到指定地點嘅八達通處理器拍卡,就可以將上個月嘅交通津貼存入八達通內。合資格的指定地點包括:全港 50 個八達通服務站、 94 個港鐵站以及 5 個輕鐵顧客服務中心、1,600 間指定便利店以及超級市場。

多張 八達通 如何 計算

計劃會以每張八達通卡為單位獨立計算,所以最好集中同一張八達通卡使用。另外,不記名八達通以及個人八達通都可以獲得津貼。換句話講,如果你當月計到自己某張八達通已經拎到上限$400津貼,不妨使用另一張八達通

查詢 交通 開支 總額 及 津貼 金額

計劃開始後,市民可以透過八達通手機應用程式、八達通專設網頁以及八達通顧客服務熱線查詢。

領取 期間

只需於三個月內領取即可。

HongKongCard推介 公共交通費用補貼計劃 信用卡

只要申請咗呢張Citi八達通白金卡,以後就可以信用卡八達通一張搞掂,八達通自動增值仲可以有0.5%現金回贈!