【認識Virtual Bank】 虛擬銀行是甚麼?

【認識Virtual Bank】 虛擬銀行是甚麼?

相關信用卡:

【認識Virtual Bank】 虛擬銀行是甚麼?

發表日期: 2020年8月18日 更新日期: 2020年8月18日 生活虛擬銀行銀行戶口理財戶口

作者:編輯部

香港金融業近年一大進展,係批出虛擬銀行(Virtual Bank)牌照。聽落好新好高科技,但對於一般市民,即是用家,虛擬銀行究竟係乜嘢嚟呢?我哋可以有幾多選擇?虛擬銀行有冇存款保障?最緊要係,會唔會比傳統銀行多優惠同高息?好多問題,不如等我哋一次過解構。(本文更新至:2020年8月18日)

 

虛擬銀行最新優惠

天星銀行airstar優惠

戶口結餘首$20,000享活期存款年利率3.6%。開業期間成功開戶嘅客戶可於開戶日起至2021年6月10日期間享有3.6%年利率「利率不變保證」。除咗存款服務外,以該行手機應用程式可即時申請貸款,客戶可享有低至實際年利率1.85%,亦無須提交入息證明及住址證明。

 

眾安銀行 ZA Bank優惠 

2020年9月30日前喺ZA BANK借10萬,只要3個月內還清本金,利息及費用都全免。

 

MOX Bank優惠

超過20,000位成功登記並符合有關條款及細則嘅申請者,並於稍後成功開立銀行戶口;將晉身為Mox創始成員,獲得黑色不銹鋼限量版Mox Card,為亞洲首張全功能無號碼銀行卡。由即日起至2020年12月31日於Mox創始商戶消費,5%回贈高達$1,000 CashBack。

 

 

匯立銀行Welab Bank優惠

最快在5分鐘內讓客戶遙距開戶,推出定期存款全新概念GoSave,客戶可以同家人、朋友或其他WeLab Bank 客戶一齊儲蓄,一齊加入GoSave,從而提高存款利率。加入GoSave嘅人越多,利率越高。另外,2020年9月30日前用WeLab Debit Card消費仲有高達8%現金回贈。

 

livi Bank 優惠

客戶成功開戶後,可即時獲得$100迎新獎賞。另外每成功推薦一位親友開戶,可獲額外$100獎賞,可邀請最多10名親友,即最高可獲$1,000獎賞。銀聯二維碼付款設有Shake Shake獎賞優惠,每日可贏取最多3次獎賞,留返下次購物使用。


螞蟻銀行優惠

暫時未有公佈。

 

虛擬銀行活期利率

銀行 港元 人民幣 美元
眾安銀行
ZA Bank

1%($50萬或以下)

0.01%($50萬以上)

0.25% 0.001%

天星銀行
airstar

3.6%(首$2萬)

0.5%($2萬以上至$100萬)

0.1%($100萬以上)

0.25% 0.1%
Livi Bank

0.5%($50萬或以下)

0.01%($50萬以上)

- -

 

虛擬銀行定期利率

港元

銀行 1個月 3個月 6個月 12個月

眾安銀行
ZA Bank

0.25% 1.08% 0.6% 0.6%
天星銀行
airstar
0.2% 1%
高達2.6%*
0.9% 0.9%

*由即日起至2020年8月31日,邀請好友開立戶口更可獲贈定期利率升息優惠及現金回贈!每邀請5名好友可獲贈 +1.6% p.a.「星息券」 1張,最多可獲贈2張。好友成功開立戶口後,再可獲贈 +1% p.a.「星息券」1張及港幣200元現金回贈。+1% p.a.「星息券」最多可獲贈10張,而現金回贈則不設上限。「星息券」只適用於港幣50,000的三個月港幣定期存款,每個月只限使用一張。港幣2.6% p.a.乃根據2020年8月7日之港幣3個月定期存款1.0% p.a.及+1.6% p.a.「星息券」計算之總年利率,並僅供參考。利率或會因應市場情況而有所變動。

人民幣

銀行 1個月 3個月 6個月 12個月

眾安銀行
ZA Bank

1% 1.45% 1.5% 1.5%
天星銀行
airstar
1.1% 1.2% 1.3% 1.6%

美元

銀行 1個月 3個月 6個月 12個月
眾安銀行
ZA Bank
0.15% 0.25% 0.2% 0.2%
天星銀行
airstar
0.2% 0.9% 0.8% 0.9%

具體利率根據市場水平變動不時調整,最新活期儲蓄利率請參考各銀行資訊

 

匯立銀行WeLab Bank:全新概念定期存款GoSave

匯立銀行亦有提供定期存款服務,係個全新概念嘅GoSave,同傳統定期存款唔同,並唔係存款額愈大、利率愈高,GoSave係一個由人數決定利率嘅定期存款,參與人數愈多、利率愈高。

玩法簡單,每次GoSave定期存款開始前,都有一段等候期。當達到參加人數上限或等候期結束,GoSave就會正式開始,而最終年利率亦會以參加人數決定。每人每個GoSave 定期存款都可以存入最少HK$10 至最高HK$100,000。當GoSave開始後,你有兩次提前取款嘅機會,而且無任何收費,唔怕資金有入無出。

 

香港8間虛擬銀行牌照名單與簡介

由2000年開始,金管局發布《虛擬銀行的認可》指引,直到2018年9月虛擬銀行牌照首輪申請截止,收到約30份申請。2019年金管局向8家公司授予虛擬銀行牌照。而眾安銀行ZA Bank係香港第一間開業的虛擬銀行。

金管局暫時向8家公司授予虛擬銀行牌照,預期將喺幾個月內陸續推出虛擬銀行業務。

虛擬銀行牌照 背景
LIVI VB LIMITED 中銀香港、京東數科及怡和
Mox Bank 渣打香港、電盈、香港電訊、攜程金融
眾安銀行有限公司 眾安在線、百仕達合組
WELAB BANK LIMITED 獲阿里巴巴創業者基金、李嘉誠等投資
螞蟻銀行(香港)有限公司 阿里巴巴聯營公司螞蟻金服旗下
富融銀行有限公司 由騰訊、港交所、工銀亞洲、高瓴資本、新世界執行副主席兼總經理鄭志剛合組
天星銀行有限公司 由小米金融、AMTD Group尚乘集團合組
平安壹賬通銀行(香港)有限公司 中國平安旗下

 

眾安銀行ZA Bank:香港首間試業虛擬銀行

眾安銀行成為首間試業嘅虛擬銀行,ZA Bank用戶可以體驗全天候銀行服務,透過手機應用程式完成開戶、存款、轉賬等服務,用戶只需憑香港身份證,便能最快於5分鐘內完成開戶。另外,ZA Bank支援轉數快跨平台轉賬,仲有「5秒轉賬緩衝」、「人臉識別認證」等功能。

 

天星銀行airstar:6月11日正式開業

天星銀行喺2020年6月11日正式開業,開業初期服務涵蓋活期存款、定期存款及貸款服務,重點推介首$20,000存款享3.6%p.a.港幣活期存款利率。透過天星銀行airstar手機應程式便可即時申請貸款,享有低至實際年利率1.85%。客戶最快5分鐘遙距開設戶口,不設最低存款要求,亦無需繳付手續費即可通過「轉數快」(FPS) 、即時支付結算系統(RTGS)進行跨銀行轉帳。

 

MOX Bank:亞洲首張全功能無號碼銀行卡

2020年9月9日正式投入服務。所有於2020年5月4日至6月30日喺MOX網站預先登記並成功開立Mox戶口人士,將可以獲得金屬Mox Card。正開始分階段邀請首3,000名預先登記人士開戶,當他們成功開戶後,將可收到金屬Mox Card。

 

匯立銀行WeLab Bank:全新概念定期存款GoSave

WeLab Bank喺2020年7月30日正式開業,為繼眾安銀行及天星銀行之後第三家正式加入市場嘅虛擬銀行。推出咗全新概念嘅定期存款產品「GoSave」,以及現金回贈高達8%嘅Debit Card。

 

螞蟻銀行Ant Bank:螞蟻金服旗下虛擬銀行

螞蟻金服旗下螞蟻銀行(香港)有限公司(Ant Bank)就喺2020年3月31日開始試業。現階段接受銀行員工邀請嘅親友參與,完成試業後,銀行會繼續下一輪嘅籌備工作,有明確嘅正式開業時間會再公佈。

 

平安壹賬通銀行PAOB:平安保險旗下虛擬銀行

平安壹賬通銀行(PAOB)喺2020年6月24日宣布啟動試業。試業期間,平安壹賬通銀行將邀請本港約200間特選貿易中小企業客戶同2,000位個人客戶參與,分別率先體驗該行中小企銀行與個人銀行服務。

推出「優易賞」優惠計劃。除咗1%基本存款年利率,喺優惠期(6月24日至9月9日)内仲可以賺取額外「優易賞」利息。如果7月16日或之前成功開戶,優惠期間內可享高達8.8%存款年利率,存款上限8.8萬元。

 

livi Bank:第一間同銀聯合作嘅虛擬銀行

由中銀香港、京東數科、怡和集團組成嘅虛擬銀行livi Bank喺2020年8月12日正式開業,成為本港第四家正式投入服務嘅虛擬銀行。佢地初步推出咗活期存款、銀聯二維碼支付與轉帳服務,有別於其他虛擬銀行,Livi Bank係首間同銀聯合作嘅虛擬銀行。

 

虛擬銀行定義

咩叫虛擬銀行呢?香港金融管理局用一句句子就解釋咗,根據指引修訂本內,「虛擬銀行」嘅定義係主要透過互聯網或其他形式嘅電子渠道而非實體分行提供零售銀行服務嘅銀行。

其實「虛擬銀行」都唔係咩新鮮事,喺外國係行得前過香港,喺英國、加拿大、美國等地都有唔少虛擬銀行嘅公司估值已經超過10億美金,用戶人數以百萬計,普遍都有各類型金融產品,由最簡單嘅儲款、提款到按揭、貸款都有得揀嚟用。可以話虛擬銀行已經成功打入一般市民嘅生活習慣。

 

虛擬銀行安全嗎?有幾多存款保障?

其實虛擬銀行同傳統銀行一樣,都參與咗存款保障計劃,客戶存款有最高 50 萬存款保障,以保障返每一個存戶。另外金管局喺2018年2月發佈嘅《虛擬銀行的認可》都要求虛擬銀行牌照申請人,必須同傳統銀行牌照持有人一樣,要滿足最低3億港元的資本要求。對於存款,可以放心佢哋嘅保障同你放傳統銀行係一樣嘅。

 

虛擬銀行與傳統銀行分別

虛擬銀行 傳統銀行
分行 冇實體分行,所有銀行服務,都透過電腦、手機隨時喺網上處理 有實體分行同網上銀行
提供服務 主要提供存款同貸款業務 提供多方面銀行服務,包括存款、理財、保險、按揭等
提取現金方式 轉賬到傳統銀行,再到ATM提款 從分行或者ATM提款

 

虛擬銀行會對香港帶嚟幾大影響?

當虛擬銀行正式進香港銀行呢個市場,一定會對傳統銀行造成衝擊。對傳統銀行嚟講,零售銀行業務係銀行市場最吸引嘅部分。據業界估算,銀行零售業務嘅收入佔銀行總收入大約四成,甚至更高。基於虛擬銀行對象主要係以零售層面為主,包括存款、電子支付業務、無抵押個人貸款。所以虛擬銀行必然想搶客,增加市場佔有率,咁離唔開都係用著數嚟吸引新客戶。之後唔難搵到高存款利息、低貸款利息呢類優惠條件,相信傳統銀行都會加入增加優惠呢個行列,最後估計喺呢種競爭下受惠嘅都係客戶。

另外,多咗銀行會令成個市場擴張,過去由於成本所限,有啲傳統銀行局限於大企業,而虛擬銀行營運成本低,可以更專門咁服務以往不被重視嘅群組,包括年輕人或者低收入基層。

虛擬銀行亦都喺科投上有優勢,普遍運用大數據、人工智慧等技術,掌握咗大量客戶資料與消費數據,跟手從海量嘅資料轉化成具有價值嘅資訊,就可以為客戶提供更有針對性嘅專屬服務,提升客戶關係、客戶滿足度等。

 

HongKongCard 網站 : https://www.hongkongcard.com

HongKongCard Facebook專頁 : https://www.facebook.com/hongkongcard