虛擬銀行與傳統銀行Online Banking有何分別?

虛擬銀行與傳統銀行Online Banking有何分別?

相關信用卡:

虛擬銀行與傳統銀行Online Banking有何分別?

發表日期: 2019年12月23日 更新日期: 2019年12月23日 生活虛擬銀行

作者:編輯部

介紹完虛擬銀行嘅基本概念,另一個用家嘅最大問題:傳統銀行都有Online Banking好多年啦,咁同虛擬銀行又有乜嘢分別?比起傳統銀行,Virtual Bank又有何優勢?不如等我哋比較吓。(本文更新至:2019年12月23日)

虛擬銀行同傳統銀行嘅Online Banking有何分別?

1. 無實體分行

虛擬銀行本身同傳統銀行最大分別就係無實體分行。傳統銀行客戶通常都習慣去銀行分行處理大大小小嘅事,無實體分行可能會有啲唔方便,同時傳統銀行亦都有提供網上銀行畀客戶進行簡單嘅操作。但虛擬銀行會提供返網上嘅渠道俾客戶,虛擬銀行可以做每周7天、每天24小時,7X24隨時隨地進行交易,客戶毋須親臨實體分行,所有服務由開戶到申請銀行服務都係透過網上或用手機進行,例如:只要掃瞄身份證、影自拍照,再遞交個人資料就可以辦理開戶手續。

2. 銀行服務集中

相對於傳統銀行,虛擬銀行提供嘅服務冇咁多樣化。始終仲新,現時虛擬銀行普遍只提供存款同埋貸款服務,客戶透過虛擬銀行就冇咁多其他金融服務可以選擇,例如買賣股票,買保險或買賣外幣等要遲啲先有。一啲有較多金融服務需求嘅客戶嚟講,虛擬銀行暫時就未能提供所有所需嘅服務。

3. 提取現金方式簡單

啲錢存咗喺銀行,始終好多情況下仍然需要用現金,虛擬銀行冇分行或者ATM,提取現金可以會有啲唔方便。不過自從推出咗轉數快,虛擬銀行客戶可以透過轉數快網絡(轉數快 FPS 支付系統介紹),將錢即時轉賬到傳統銀行,再到ATM提款,其實分別冇想像中咁大。
虛擬銀行 傳統銀行
分行 冇實體分行,所有銀行服務,都透過電腦、手機隨時喺網上處理 有實體分行同網上銀行
提供服務 主要提供存款同貸款業務 提供多方面銀行服務,包括存款、理財、保險、按揭等
提取現金方式 轉賬到傳統銀行,再到ATM提款 從分行或者ATM提款
 

虛擬銀行有乜好處?

相較傳統銀行,虛擬銀行有以下優惠。

優惠較吸引

考慮選用邊一間銀行,其中一個主要因素一定係提供嘅優惠。虛擬銀行正正因為冇實體分行,租金、人工等營運成本都可以減少,電子化亦有助減省成本,而且相對係新加入市場,變相會提供更吸引嘅優惠,例如高存款利息、低貸款利息等等,吸引新客戶。

不設最低存款額要求

另一個受惠於低營運成本嘅好處就不設最低存款額要求。相對傳統銀行,唔少都仲設有最低存款額要求,如果客人嘅銀行結餘低過存款額要求,就要收幾百蚊手續費。咁虛擬銀行不設最低存款額,變相降低收費,都係個吸引嘅地方。

開戶手續簡單

由於所有銀行服務,包括開戶都係只需透過網上完成,客戶掃瞄身份證、影自拍照,再遞交個人資料就可以辦理開戶手續,不需要再去分行排隊辦理手續,節省時間。
HongKongCard 網站 : https://www.hongkongcard.com
HongKongCard Facebook專頁 : https://www.facebook.com/hongkongcard