由中銀香港、京東數科加上怡和集團的合資組成嘅虛擬銀行「livi bank」喺2020年8月12日正式開業，主張提供輕鬆簡便嘅銀行體驗，助你精明儲蓄，安心消費，享受更多。係第一間推出銀聯虛擬扣賬卡嘅虛擬銀行，同時採用銀聯二維碼付款，亦提供開戶優惠吸引新客。
livi bank 服務
現時livi bank提供livisave活期存款、銀聯二維碼付款嘅服務，同埋可以透過轉數快（FPS）或電子直接付款授權（eDDA）作即時轉帳及收款。livisave活期存款方面，客戶戶口首$50萬，存款年利率有0.5%，之後嘅存款金額利率都有0.01%，不設最低存款結餘要求，亦唔會收取任何帳戶費用。而銀聯二維碼付款支持全港數超過4萬間零售商戶，亦設有Shake Shake獎賞優惠，用佢張虛擬扣賬卡買完嘢之後輕輕搖動手機，就可以搖出獎賞，每人每日可獲最多3次獎賞，留返下次買嘢用。實際獎賞金額暫時未有透露。
livi bank 迎新獎賞
livi bank 開業推出迎新獎賞，成為livi客戶可即時獲得$100。另外同時亦設有推薦計劃，livi客戶推薦頭10位親友開戶，每個成功推薦，推薦人就可獲$100額外獎賞，最高可獲$1,000推薦獎賞。迎新獎賞、推薦計劃嘅推廣期到2020年10月31日。
延伸閱讀：
【認識Virtual Bank】 虛擬銀行是甚麼？