平日工作壓力咁大,Annual leave又要預早請定假,冇可能話放就放,唔知大家有冇試過突然間搵個Weekend請一日假,去個短Trip呢?近近哋去下大陸、台灣、東南亞、日本、韓國瘋狂Shopping豪飲豪食,釋放下壓力,返嚟再搏殺過。
有一段時間冇去過首爾,好想去東大門設計廣場 (DDP) 睇下。
如果大家有呢個念頭,可以諗下首爾。最近濟州航空出咗個Last Minute即飛優惠,由即日起至10月5號出發,來回機票$850,連稅$1,596,包15kg行李,去程可以揀零晨1:55機或下晝1:35機,返程有朝早9:55同夜晚10:40機,而平飛集中喺零晨機去同晚機返,可以星期五請一日假,星期四晚飛,星期日返,玩足三日。
航班時間算唔錯,可以玩到盡。
訂飛可以用網上交易或者旅遊類有額外獎賞嘅卡,例如恒生信用卡做港幣網上旅遊類交易有3X Cash Dollars (
詳情)。去到嗰邊自然要用海外簽賬有Bonus嘅卡,例如富邦白金卡或Titanium卡,喺韓國簽賬會有8X積分 (
詳情)。