Stella Yeung 帶你睇櫻花!
Stella Yeung 帶你睇櫻花!
相關信用卡:

Stella Yeung 帶你睇櫻花!

發表日期: 2016 年 02 月 19 日 更新日期: 2016 年 02 月 19 日 購物
作者:Stella Yeung

Hello!我係新黎嘅編輯Stella Yeung,新人當然要介紹一下自己先啦,由小學開始己經係運動校隊,最鐘意跑跑跳跳,所以之後會介紹唔同玩樂,運動資訊比大家!

<櫻花> 依個兩字,相信大家腦海會馬上諗起 日本或 韓國!其實香港都唔少地方都有櫻花,唔知你地又知唔知呢?!
香港櫻花花期係每年1月中至3月上旬,但香港今年天氣時暖時凍,所以櫻花花期較上年遲少少 !


嘉道理農場
開花期 1月中旬嘉道理農場今年最早開花,依家農場入面已經好多櫻花開左啦!!嘉道理農場睇櫻花仲可以順便周圍行下,真係一舉兩得!


今年嘉道理農場為左方便大家觀花,佢地每日都會係嘉道理農場網頁同Facebook提供 <每日一開花指數> , 到時出發睇櫻花就唔會怕撲空啦 !!!



2016月2月19日 由嘉道理農場Facebook提供


嘉道理農場暨植物園
地點:大埔林錦公路
開放時間:9:30am-5pm <4:00pm後就唔準入埸啦, 記得預準時期啊!>
入場費:$30
查詢:2483 7200
網址:www.kfbg.org.hk


香港中文大學
開花期 2月上旬,位於中大新亞書院知行樓附近有20棵日本河津櫻。唔係中文大學讀書,基本上都唔會去中大,如果你又想睇櫻花,而未去過中大,不妨去行下!
圖片由中大傳動專頁提供

香港中文大學地點:中大新亞書院知行樓

鰂魚涌海濱公園
開花期 2月上旬
,位於鰂魚涌海裕街嘅鰂魚涌海濱公園,共有六棵櫻花,櫻花數量係少啲,不過對於港島人嚟講真係好方便,搵個假日去行下都好!





鰂魚涌海濱公園地址: 鰂魚涌海裕街

長洲忠義亭
預計開花日期為2月中旬,長洲山邊道關公忠義亭兩旁種了十多棵櫻花樹,大家又知唔知?


圖片由長洲櫻花情報專頁提供

長洲忠義亭
地點:長洲觀音灣路前往方法: 到左長洲後,東灣路方向一直走,再右轉行見到警署徑,之後沿斜坡行大約8分鐘。

大帽山扶輪公園
預計開花為2月中旬,荃灣大帽山扶輪公園仍有四十棵櫻花樹,係早年漁護署種植的。假日想行下山,Relax下仲可以睇櫻花,去帽山扶輪公園都係一個好選擇。




大帽山扶輪公園地點:大帽山扶輪公園 櫻花園

香港單車公園
開花時間預計為2月下旬開始,將軍澳單車館公園內六棵櫻花,花係少啲不過就勝在地方就腳。




將軍澳單車館公園
地址: 香港新界將軍澳寶康路107 號


今次係我第一次同大家見面,請大家多多支持我喇!