PCCW、csl合併加月費轉會是時候？

之前，電訊盈科 (PCCW) 宣布收購CSL，喺今年5月完成完成收購。就喺7月7號，將PCCW-HKT流動通訊同One2Free合併，變成新品牌csl，而1010同新世界傳動網呢兩個品牌就繼續保留。睇返csl，合併之後嘅月費比之前PCCW-HKT貴，同One2Free差不多。原有PCCW-HKT嘅用戶如果份合約就嚟到期，續約未必用返舊Plan價，即係變相被加價。

香港電訊集團董事總經理艾維朗先生(右)及香港電訊無線業務市場營銷總裁林國誠先生，宣佈推出csl品牌。(圖片來源：csl)

如果咁啱最近舊約到期，又想換新機，自然要格下價，睇下邊個台抵啲。以Samsung Galaxy S5買機上台5GB數據流量4G Plan為例：

唔同公司除咗月費同預繳有唔同，送嘅贈品亦有分別，例如保護套，流動充電池、超市Coupon等等，要留意部分贈品係送完即止，出機前記得問清楚。

而家恒生同中國移動香港做緊Promotion (呢度) ，買Samsung Galaxy S5上台，預繳價再減$200，另一部HTC One (M8)亦再減$300，即係$4,780，預繳少啲手頭鬆動啲，同埋呢個Plan本來就唔收嘅$12行政費/隧道費，叫做平少少啦。另外，而家選用任何4G Pro買機上台或帶機上台Plan，可以揀中國「一咭多號」增值服務優惠，或者7800mAh電量嘅外置流動充電，都算實用。