Partyroom好介紹 VR遊戲任你玩！
更新日期: 2016 年 12 月 08 日
又到開聖誕party嘅時候啦！你地而家係咪惆悵緊唔知去邊間Partyroom呢？但其實Partyroom來來去去好似都係得個啲嘢玩，例如Board game，桌球，飛鏢等等。不過CC我就搵到一間特別嘅Partyroom，佢地有好多普遍Partyroom少見嘅設施同遊戲，近期仲加開左一個主打波波池嘅房間，以下就逐一同你介紹下!
Blackroom總共有3間房。一間主打籃球機，一間主打VR遊戲，仲有一間就主打波波池。
- 次次喺出面玩籃球機，都要逐次入錢，又貴又麻煩。但係呢度兩個籃球機任你玩，仲可以同朋友一齊對戰！玩到一定Level 嘅時候，籃球架仲會左搖右擺嚟增加難度，夠曬刺激啊！
- 呢個賽車遊戲對於我呢啲唔識揸車嘅人黎講，真係好難控制啊！不過，我估都係我個人問題姐，男仔玩呢個實無難度嘅！
- VR遊戲有唔同主題，例如昆蟲、喪屍、射箭等等，一定唔會玩到悶。CC我今次係第一次玩VR遊戲，原來感覺真係好真實，你睇我玩嘅時候幾驚就知啦！不過如果有得影低朋友玩VR嘅醜態咁都幾好喔！得閒可以攞黎笑下佢，哈哈！（好似你地笑我咁）
- 波波池係老闆新加入的，雖然不算太大，不過有五顏六色嘅光透出嚟，都幾靚架！
- 呢個巨型層層疊真係好巨型啊！睇嘅時候好過癮，但由於太大既緣故，玩嘅時候都有一定困難。
總括嚟講，呢間Partyroom非常值得推介！因為有好多平時Partyroom少見嘅遊戲，室內嘅設計亦都非常舒適，真係好適合聖誕嚟開Party呀！
但聖誕節期間會有好多booking，如果你想約埋班朋友嚟玩，就記住早啲打電話book啦！
好玩指數：★★★★★ (5星滿分)
Blackroom
地址：銅鑼灣駱克道508號2樓&3樓
電話：9179 0667
價錢：星期一至四 (＄35 －＄46／1hr per person）
星期五至日及公眾假期（＄45－＄59／1hr per person ）
＊包汽水
＊19/12－2/1 （公眾假期價錢，20人起，10%服務費）
付款方式：現金