更新日期: 2014 年 09 月 11 日
每年十月,Macro Polo都會搞Oktoberfest德國啤酒節,喺個大帳篷入面聽住著晒傳統德國服裝嘅樂隊唱民謠,低碳歎啤酒、香腸、豬手,興致到仲可以起身跟住跳舞,相當熱鬧,成功帶起潮流,就連馬會都會喺差不多時間,喺星期三跑馬地夜馬嘅Happy Wednesday搞「快活谷啤酒節」。
今年Oktoberfest會係10月17號至11月8號,仲有個幾月先開始,不過富豪香港酒店由今日起推出德國自助晚餐,做到11月30號,唔通想借助Oktoberfest個勢?叫得做德國自助餐,自然唔少得德國鹹豬手配酸椰菜、白肉腸、牛肉卷呢啲傳統德國菜,加$98會送3支德國啤酒,可以當係Oktoberfest熱身 。除咗德國菜,當然會有其他嘢食,例如原條油甘魚刺身、海鮮拼盤、即煎鴨肝等等中西食品。