Merry Christmas~@ 飯局篇
Merry Christmas~@ 飯局篇
相關信用卡:

Merry Christmas~@ 飯局篇

發表日期: 2013 年 11 月 26 日 更新日期: 2013 年 11 月 26 日 飲食
作者:Lady C.

依幾日,Lady C.不斷喺度搵緊抵食嘅聖誕大餐優惠情報,結果都唔係搵唔倒嘅,只係根據我嘅個人經驗,果D所謂嘅聖誕大餐好多時都係選好少,昂貴得嚟又唔算好食嘅Christmas set……與其到聖誕正日先局食唔係你杯茶嘅聖誕餐,不如約埋班朋友提早食你地都想食嘅着數大餐啦!

Lady C.嘅聖誕大餐打算提早喺12月頭食(未近聖誕唔洗同人逼+唔洗硬食節日漲價嘛),而且已經搵左一堆有着數嘅餐廳比朋友選擇,當中有3間係我比較推薦嘅~

百樂酒店 – Park Cafe



我知為食嘅朋友首選一定係自助餐,咁主打意法海鮮美食Park Cafe自助餐應該會岩心水。Park Cafe自助晚餐出名抵食($3xx/位),宜家有埋85折真係加左唔少分。

平嘢唔一定冇好嘅!就以Park Cafe為例,海鮮區就擺滿新鮮翡翠螺、青口、長腳蟹,當然仲有生蠔!附近Lady C.最愛嘅肥美三文魚刺身呀,除左依D,仲有唔少值得推介嘅熟食,好似白酒煮青口、羊扒同法式紅酒燴牛筋條!我地目標好明確架,一於狂掃長腳蟹、生蠔、三文魚同羊扒,值左回票價先嘛!提提大家,要記住7點去排片皮鴨,8點去排火焰雪山呀(唔知有冇改時間呢?),其他甜品可以之後再食嘛~

Osteria意大利餐廳


話就話減肥總在明天後,但係始終食得太放肆都唔好嘅,所以我都會極力游說朋友去食味道好而份量又適中嘅Osteria。

有時人太多,點菜真係好麻煩,倒不如一人一個set dinner仲好。$4xx有齊頭盤、沙律、湯、主菜同甜品,樣樣有質素且大件夾抵食,食到最後真係唔飽先再後加食物都唔遲。

真心覺得此set不同彼set,Osteria's set抵讚之處在於主菜選擇夠多,成個餐牌主菜類任選其一喎,鐘意食羊嘅朋友仲可以點較貴嘅主菜──羊架,真係加倍抵食。

頭盤各式麵包會用精緻小木盒上桌,建議先淺嚐幾口(留肚食其他嘢要緊呀!),然後就到十分足料嘅水牛芝士沙律,真係好想試下咸香十足嘅Parma Ham、蕃茄同芝士依個組合呀!主菜方面,意粉控Lady C.應該會毫無疑問揀大蝦帶子意粉,真係有D期待Osteria嘅自家製意粉呀~~ 甜品就更加唔洗諗,一於試炸‧冬‧甩!

The Quarterdeck Club


最後輪到後備方案:抵食豪華午餐($2xx/位)上場(有D schedule排得好滿嘅朋友未必比倒晚飯時段我嘛)!

其實$2xx有齊頭盤、沙律/湯、主菜、甜品嘅午餐已經算唔錯,如果你喜歡,仲可以選擇坐戶外微風海景送飯,感覺應該會唔錯~

同樣地,我建議點最抵食嘅羊扒(熟度medium就夠),但係今次怕羶嘅朋友都值得一試,事關餐廳特製嘅薄荷蛋黃醬可以刺激味蕾又餘又可以蓋蓋羊嘅羶味,話唔定會從此愛上羊肉呀!

送上其他飲食着數(今次篩走左中菜,聖誕都係同異國菜岩feel D嘅~)