Merry Christmas~@ 活動篇

又到聖誕~ 又到聖誕~~ 下個月就聖誕喇，想有個快樂聖誕嘅話又係時候plan下聖誕去邊度玩喇~！其實每逢聖誕，各大商場都會有靚靚應節佈置架，唔鐘意outdoor吹風吹到變雪條嘅朋友，不妨考慮喺室內過個暖粒粒既聖誕節啦！

健康環保聖誕夜x機票抽獎
就算係聖誕，Lady C.我仍然關注着數，亂買唔做定功課，絕對唔係我會做嘅事。其實我自己最想帶朋友去IFC，事關今年IFC大搞健康環保聖誕呀，會場除左有掛滿燈飾嘅榕樹同聖誕樹之外仲有11架單車，只要大家坐上去踩踩就可以用人力進行亮燈儀式，希望到時唔會大排長龍啦！

不過都估計我地只會稍為踩兩踩過下癮就算數，仲有大把時間搵着數！拿，一於去果度血拼買靚衫，只要同日累積簽賬滿$2,000就有$50 IFC商場禮券送；咁我當然係「醉翁之意不在酒啦」，到簽滿額就可以去Citibank獎賞專櫃登記然後參加「日日遊世界」機票大抽獎，有機會贏取超過50個目的地機票架！

順帶一提，臨近聖誕真係好多好戲上影，不過有經驗嘅朋友都知道，要喺正日walk-in買個靚位舒服睇場戲真係難過登天，所以Lady C.我就建議有興趣嘅朋友可以喺12月12 日前睇左心水電影先，因為限期前用Citibank信用卡喺Palace戲院買2D / 3D電影正價戲票都有9折呀！

70呎聖誕樹x免費聖誕禮物
冇聖誕樹睇又好似唔夠應節？其實IFC個機票抽獎有效期去到2014/1/15，我地可以遲D先抽都OK，諗真D倒不如點幾去到又一城慢慢食個lunch，再用中銀碌滿$5,000換Crabtree & Evelyn聖誕禮物盒同2013 Mercedes-Benz C200 AMG Edition房車抽獎券3張，又可以送聖誕禮物比自己，又有機會抽中名車，似乎着數得多。 

行到差唔多5點就係時候去LG2層睇國際魔術大師John Taylor嘅精彩魔術表演，散場之後先再慢慢同70呎全港室內聖誕樹合照都唔遲呀~~

Hello Kitty聖誕節x銀聯着數
除左上述嘅景點，我個Kitty迷朋友仲特別打嚟提議要去朗豪坊，因為佢最鐘意嘅Hello Kitty已經換上藍色聖誕老人裝、騎住雪橇等緊佢喇！嗯……其實朗豪坊商店都有唔少銀聯卡優惠，鐘意Kitty貓既朋友都不妨去潮聖順便攞購物着數~

飄雪聖誕夜
至於想過白色聖誕而又冇時間離開香港嘅朋友，可以去新城市廣場 / K11睇雪呀！新城市廣場請黎意大利名師設計同佈置既仿古建築入面有星夜教堂幕牆、漫天星光長廊同旋轉木馬等嘅童話浪漫元素，配合埋羅曼蒂克嘅燈光、每半小時一次嘅3D立體投影同飄雪效果……真係諗起都覺得靚呀！仲有呀，到時會設有「最佳拍攝區」，有興趣嘅朋友可以請駐場攝影師幫手影飄雪靚相呀~

至於同樣會飄雪嘅K11，推薦影相景點除左有廣場中庭嘅蘇格蘭風味聖誕樹之外，仲有廣場中央高6.5米嘅金屬北極熊~


（PS: 下集再同大家介紹飯局篇啦~~）