McDonald's自創口味 ~ Create your taste
更新日期: 2015 年 08 月 06 日
講個秘密比你知，小編我畢生事業就係減肥，不過其實都好鍾意食麥當勞啊 ! (好似肯挨麥記嘅女人娶得過， 哈哈哈哈 !) 麥當勞成日都有好多新搞作，好似之前就出咗個Create your taste ，雖然成日食快餐就唔多健康，不過偶然放肆一下都得嘅 ! 我呢排就想試下Create your taste好似有好多特別食材 ，不過暫時得又一城店同禮頓中心店有得整， 我就去咗又一城分店。好喇 ~比你地睇下我食咗咩喇 !
怕肥可以走麵飽用生菜代替，不過我就食咗再算 。
有28種食材比大家配搭，好多係以前無，包括主打配料碳燒安格斯牛肉、適合水果迷的甜燒菠蘿、牛油果蓉等，醬汁亦有十種不同選擇。小編就特別試下燒菠蘿，因為感覺健康啲同埋無咁肥。
呢個就係我create嘅 taste 咁就要$79，平時可以食三個McDonald's特價餐( $22 )有找，不過可以自己整都幾過癮，試下無妨。
提提大家，點餐機只接受電子幣進行付款，只接受八達通、Visa、Master及JCB信用卡付款。
等5-10分鐘就有得食喇 ! 賣相係好過平時，啱曬大家相機食先。不過薯條就好似少咗。
個飽其實都幾大個，可能我點的食材比較正常，味道同平日無咩大分別，不過個菠蘿真係又甜又多汁絕對係亮點!
提提你地，依家去McCafe買中杯咖啡仲識變大杯裝比你。哈，其實係因為憑Citibank信用卡恵顧McCafe由即日起至2016年12月31日中杯裝飲品免費升級至大杯裝。仲有仲有 ! 懶人恩物24小時麥麥送都有優惠， 由即日起至2015年10月31日係網上訂餐滿HK$70，就可享10%簽賬回贈。
去開又一城話埋比你知，除咗有豹傻睇，依家由即日起至2015年8月31日，用Citibank Visa信用卡喺又一城累積簽賬滿指定金額，可即場參加必中抽獎，每日首100名客戶可即場參加額外抽獎有機會贏獨家限量版傻豹精品。最低簽賬滿HK$800 就可以參加即抽即賞，會有星巴克HK$25禮券。簽賬滿HK$5,000 或以上仲可參加2次抽獎，有機會得到 Crabtree & Evelyn護膚套裝 (價值HK$545) 。
McCafe及24小時麥麥送獨家優惠
又一熱賞嘉年華
如果想睇多啲我嘅介紹可以去我嘅Facebook Page 同Instagram