MasterCard額外賺分換現金券

銀行本身嘅積分獎賞計劃同優惠，有時係唔可以夾埋一齊用，只能二選一。MasterCard自己都有一個樂遊賞，就可以信用卡本身嘅獎賞計劃同時用，可以兩邊賺。只要喺樂遊賞合作商戶，例如蘇寧、嘉禾院線、GODIVA等等簽賬，就有相當於簽賬金額5%嘅積分，官網話每簽$150就賺1分，而換一張商戶現金券一般需要20分，即係話簽$3,000先換到$150嘅商戶現金券。我打去問過CS，佢話計分會先轉返做美金再計，約數齊頭就係港幣$150。除咗商戶現金券，仲可以換MasterCard預付卡，不過就由40分起跳。

除咗匯豐卓越理財信用卡 (詳情) 之外，而家DBS Black World MasterCard (詳情) 都有得玩，要賺樂遊賞積分，記得去樂遊賞官網登記咗先。