MacBook Pro Retina小升級 買機賺優惠
MacBook Pro Retina小升級 買機賺優惠
相關信用卡:

MacBook Pro Retina小升級 買機賺優惠

發表日期: 2014 年 07 月 30 日 更新日期: 2014 年 07 月 30 日 購物
作者:炸雞波

最近喺Apple Store發現MacBook Pro Retina版靜悄悄地將規格做咗小Upgrade,不過售價就冇變。13吋嘅CPU速度提升咗,入門個版本嘅RAM亦加到8GB。而15吋嘅CPU速度亦都快咗,RAM亦加到16GB,相信大型電器連鎖店亦會跟返呢個Spec。如果喺Upgrade之前剛剛買咗機,可以試下打去Apple Hotline問下有冇得幫你換新機。

新機快咗少少,RAM多咗啲,但其他冇變。

好多人買Apple機都好自然地去Apple Store上網買,或者去Apple Retail Store買,用信用卡簽賬可以賺網上購物同商場優惠,但Apple就甚少同信用卡夾Promotion。如果去大型電器連鎖店買,可以食埋合作優惠。

Citibank
連鎖店:豐澤
優惠期至:9月30日

商場:又一城
優惠期至:8月31日
用Citibank信用卡去豐澤買電腦,優惠期內一張單$6,000或以上,可以回5%,一個月最多回$300 (記住要登記咗)。然後計埋又一城簽滿$7,000或以上,就有$250又一城購物禮券。

匯豐
連鎖店:百老匯、豐澤、蘇寧、中原電器
優惠期至:12月31日(最紅星期五)
商場:時代廣場、新城市廣場
優惠期至:8月31日
用得匯豐,梗係星期五去買機,食佢「最紅自主獎賞」同「最紅星期五」11X「獎賞錢」。另外用埋「最紅大折日」,去百老匯最少有10%回贈,每星期得$200,抽中回50%,就回$500。加埋時代廣場或新城市廣場簽滿$500,可以玩互動遊戲,有機會嬴50%簽賬回贈,最多回$800,不過有部份金額會包咗落去百老匯個回贈入面。

渣打
連鎖店:百老匯
優惠期至:8月31日 (階段1) 12月31日 (階段2)
商場:海港城
優惠期至:8月31日
佢個「日日獎賞」同「周六狂賞」喺百老匯分別可以食2%同10%現金回贈 (需要登記),不過每次最多只回$50,買一部機都即爆。而係海港城就有額外「360°全面賞」積分,簽$5,000以上就有得送,買一部機可以多15,000分。

中銀
連鎖店:蘇寧
優惠期至:8月31日
簽$8,000或以上有$300簽賬獎賞,買最平嗰部MacBook Pro Retina 13吋都已經夠數。但如果揀Config勁少少嘅Model,簽過$10,000可以食到另一個優惠,多$100簽賬獎賞。