滙豐銀行全新綜合理財戶口滙豐One（HSBC One），一個戶口滿足你所有理財需求，除咗有全新「Wealth Booster」教你醒目理財投資，亦有滙豐萬事達卡®扣賬卡 （HSBC Mastercard®Debit Card）幫你精明網購同旅遊消費！首先呢張卡食正現今潮流，其次呢張卡真心超靚！當然功能同優惠都係一流，滙豐萬事達卡®扣賬卡有無上限0.4%回贈，可用12種主要貨幣消費或提取現金，而且免收海外交易手續費，真係網購必備，旅行神器！
滙豐萬事達卡®扣賬卡 網購優勢明顯
而家疫情依然嚴峻，冇乜嘢都唔好四圍走，消費好多時都變成網購為主。如果有用信用卡在外國網站買開嘢，唔難發現用港幣結算的話，要畀跨境港幣交易手續費，都唔少㗎！用滙豐萬事達卡®扣賬卡就冇呢個問題，首先佢係Mastercard四圍都收，其次佢可以用12種主要貨幣直接消費，買嘢直接係戶口扣外幣，你更可預先以心水價位兌換所需外幣，而且$0手續費！淨係免咗呢個收費，都已經打贏大部分信用卡嘅網購回贈，滙豐萬事達卡®扣賬卡仲有0.4%回贈，咁樣加起嚟，真係比大部分網購信用卡都有優勢！
滙豐萬事達卡®扣賬卡 全球ATM提款12種外幣 免手續費*
疫情過後可以去番旅行嘅時候，呢張卡都非常岩用！佢主打外幣消費免手續費並覆蓋12種貨幣（包括英磅、歐元、加拿大元等）。先講一個簡單例子，譬如要以英磅消費，而戶口內未有呢種貨幣，銀行就會自動按照你嘅戶口類型嘅優惠匯率，轉換交易金額為港幣，再係你嘅港元儲蓄戶口扣數（如果儲蓄戶口唔夠就係往來戶口扣）。而精打細算嘅客戶更可以計劃好所需資金，預先用心水價位兌換所需外幣，然後就可以在當地用12種貨幣直接提款或者消費，唔會收取任何交易費用。而喺海外滙豐櫃員機都可以免費提取現金*！即是你去旅行，基本上唔需要帶太多現金，同在當地用當地銀行體驗差不多一樣！消費仲有0.4%現金回贈，亦都免埋海外交易手續費， 直接扣賬唔需要找卡數。咁咪唔需要煩兌錢，直接就行得囉！亦都由此可見，海外旅行、留學、工作等，如果有一張滙豐萬事達卡®扣賬卡在手，生活係會輕鬆好多。
滙豐萬事達卡®扣賬卡 特色
輕鬆使用全球主要貨幣
可用12種主要貨幣消費及提取現金，會由你嘅滙豐綜合理財戶口中相應嘅貨幣戶口直接扣賬，毋須進行額外兌換手續。
12種貨幣包括港元、美元、英鎊、日元、人民幣、歐元、泰銖、澳元、新西蘭元、新加坡元、加拿大元及瑞士法郎。至於其他貨幣的消費，滙豐將參考萬事達卡國際組織當日的匯率以港元結算。
所有消費免收手續費
無論網購定係當地消費，滙豐萬事達卡®扣賬卡都唔會收任何本地或海外交易費用。
全球各地免費提款
於全球滙豐集團的自動櫃員機網絡進行之現金提款，費用全免。
簽賬可享現金回贈
所有合資格簽賬免收外幣交易費，更可享0.4％現金回贈。
*於全球滙豐集團的自動櫃員機網絡進行之現金提款，費用全免。
須受有關條款及細則約束。
貨幣兌換涉及風險。
滙豐萬事達卡®扣賬卡 常見問題
滙豐萬事達卡®扣賬卡有咩申請資格？
所有滙豐綜合理財戶口客戶都可以申請滙豐萬事達卡®扣賬卡 ，你可以為每個自己名下嘅滙豐綜合理財戶口，連結最多一張滙豐萬事達卡®扣賬卡。
滙豐萬事達卡®扣賬卡 簽賬時需唔需要自己選擇外幣？
唔需要，滙豐萬事達卡®扣賬卡 會自動由相應嘅外幣戶口扣賬，指定貨幣結餘不足，或者交易貨幣在12種支援貨幣之外，滙豐將參考萬事達卡國際組織當日的匯率以港元結算。
滙豐萬事達卡®扣賬卡 幾時會收到現金回贈？
交易結算後即可收到現金回贈。
滙豐萬事達卡®扣賬卡 有冇年費？
冇年費！
假如我係海外簽賬或提款時外幣戶口結餘不足，會點算？
如果指定外幣結餘不足，滙豐將會根據你的戶口類型，自動按照滙豐卓越理財／滙豐One／個人綜合理財戶口客戶的優惠匯率，轉換交易或提款金額為港幣，並由你嘅港元儲蓄戶口扣除該筆金額（如你嘅港元儲蓄戶口結餘不足，會從港元往來戶口扣除金額）。對於扣賬卡所支援嘅12種貨幣以外嘅外幣交易，滙豐就會按萬事達卡嘅匯率完成交易。對於扣賬卡所支援嘅12種貨幣交易，如果你喺結算前存入足夠資金，滙豐則會如常從外幣戶口扣除該筆金額。