HK Express推出香港至花蓮來回直航

每次有短假期或者星期五請假而連放幾日嘅時候，好多人都會揀去台灣，貪佢多景睇、多嘢食又平。當中，花蓮呢個地方聽就聽得多，不過去就比較麻煩。以往只能夠喺台灣搭車或搭內陸機去，依家HK Express(香港快運航空）就推出香港至花蓮來回直航，仲係全港首間航空公司有呢條航線。
 

為咗慶祝有新航線，HK Express特別推出優惠促銷，去花蓮單程只需要港幣＄96，簡直係全港最平，唔買都對唔住自己。不過好嘢永遠都有限期，要買平機票就要係即日至聽日夜晚12點55分前把握機會，而旅行日子就可以由17年1月1號至11月30號。
 

搶到機票就可以計劃定有咩景點必去，又有咩嘢食係必食。花蓮景點以自然風光為主，望到嘅時候真係會感嘆大自然好靚，順便可以影返幾輯文青相。而美食方面，台灣地方當然有夜市，而花蓮有著名嘅東大門夜市。夜市裡面集合台灣各種小食，連原住民風味餐都有，聽到都覺得吸引。花蓮咁正，真係要即刻搶機票。