【HIT爆】祖琪帶你飛韓國 人氣香蕉奶Yellow Cafe

【HIT爆】祖琪帶你飛韓國 人氣香蕉奶Yellow Cafe

相關信用卡:

【HIT爆】祖琪帶你飛韓國 人氣香蕉奶Yellow Cafe

發表日期: 2016 年 03 月 22 日 更新日期: 2016 年 03 月 22 日 旅遊

作者:WING KI

講起韓國,你可能會諗起韓劇同韓燒,阿琪我就即時諗到香蕉奶。香蕉,代表正能量。奶,代表童心。喝下去,是幸福的感覺。今次阿琪就飛到去韓國,除咗去玩去shopping,為嘅就係去買香蕉奶始祖Binggrae(바나나맛우유)出嘅香蕉奶嚟飲。但係以後唔洗啦,因為今次我就搵到呢間以香蕉奶開嘅主題cafe-Yellow Cafe,啱曬鐘意香蕉奶嘅朋友仔。



間鋪頭嘅面積唔係好大,如果多人嘅話可能要等好耐。不過命運之神總係會眷顧我㗎,哈哈。我嗰日下晝去,唔算好多人,所以好快就入到去啦。



話明係Yellow cafe,入面好多佈置都係用黃色,例如鋪頭裏面有好多以黃色為主色嘅藝術品,全部都同香蕉奶有關,除咗味覺嘅享受,仲有視覺上嘅享受。



除咗sell香蕉奶之外,呢間鋪嘅另一個主打就係香蕉雪糕,香蕉上面嘅朱古力全部都係人手製作,真係好靚呀,係咪見到都好想食呢?我都好想呀,嗚嗚!



另外,鍾意黃色嘅朋友一定唔可以錯過,呢度有好多黃色嘅嘢賣,例如香蕉圖案嘅杯,保溫瓶等等。仲有我最鍾意食嘅香蕉芝士撻,但好可惜我去嗰日已經賣晒啦 :(



就算唔識韓文都唔緊要,多得我地祖國嘅發展,呢間鋪頭同好多韓國嘅鋪頭都一樣有簡體中文嘅Menu,真係貼心到不得之了。
好喇,話說我本身嚟係想一試佢既香蕉雪糕同香蕉芝士撻,點知... 叫咩無咩... 我問姐姐,仲有咩好推介。佢就推介四號,即係香蕉加香蕉奶。一場嚟到無理由唔試埋先走呀~
就等我會一會你個香蕉奶加香蕉喇~~~



食評時間:
喝下去,是幸福的感覺。其實我真係好鍾意飲香蕉嘅嘢~香蕉朱古力喇,香蕉奶喇,香蕉乜乜乜。所以你問我,我一定覺得好飲。咁佢同我地平時飲開細細支嘅香蕉奶有咩分別呢~首先,你會感覺到佢真係用純正既牛奶製造呢杯香蕉奶比你,因為佢個奶味比平時細支香蕉奶更突出。第二,呢杯無咁甜,你會感受到佢比平時細支香蕉奶少咗好多糖~第三,呢杯香蕉香蕉奶多咗香蕉。最後,就係呢杯香蕉香蕉奶貴好多 :( 佢5,500 won 一杯,大約$36,比細支香港奶貴咗30蚊 @0@ 值唔值得試?真係見仁見智喇~~
好食指數:
7/10

今次我大約下午3點去到已經乜都無,所以我建議各位想去嘅朋友下次早啲去,幫我試埋香蕉雪糕同香蕉芝士撻,再話我知好唔好食,嗚嗚!!
價錢:香蕉香蕉奶(5,500 won 約$36)
付款方法:現金
地址:東大門歷史公園站14號出口hyundai百貨地下二樓