Hi~ 里數(四):9大飛行 + 2大酒店積分獎勵計劃

Hi~ 里數(四):9大飛行 + 2大酒店積分獎勵計劃

相關信用卡:

Hi~ 里數(四):9大飛行 + 2大酒店積分獎勵計劃

發表日期: 2013 年 11 月 20 日 更新日期: 2013 年 11 月 20 日 Asia Miles 信用卡旅遊

作者:Lady C.



又一個平日休息日,無人陪既Lady C.又宅在家中搜集旅集着數資訊。咦?討論區會員熱烈討論緊Citibank PremierMiles卡(Citi PM卡)升級?!宜家積分除左可以兌換Asia Miles、KrisFlyer、 Royal Orchid Plus同Delta SkyMiles外,仲新增左英航會員俱樂部(British Airways Executive Club)、Enrich常旅客計劃(Enrich)、阿提哈德航空(Etihad Guest)、嘉魯達飛行常客(Garuda Indonesia)同無限萬里遊里數(Eva Air Infinity)5個飛行獎勵計劃,亦即係話可以兌超過60間航空公司既飛行里數啦!

Citi PM卡積分換里數兌率:
英航會員俱樂部:12分 = 1里
Enrich常旅客計劃:12分 = 1里
Etihad Guest:12分 = 1里
嘉魯達飛行常客:12分 = 1里
無限萬里遊里數:18分 = 1里

*以本地簽賬計,除  無限萬里遊里數係$12 = 1里外,其他4間航空公司都係$8 = 1里。亦即係話對應無限萬里遊計劃既長榮航空,比起其他航線可能換得冇咁抵了……

坦白講,Citi PM卡用嚟儲里數抵唔抵用真係見仁見智,但係宜家一共有9個換里數計劃可以選擇,無疑真係令呢張卡加左唔少分(而且仲冇限死幾時要換積分)。尤其係Etihad Guest同Enrich呢兩個屬於比較冷門既計劃,都係同其他2間航空公司一樣12分/里、里數存入戶口所需時間都係4個工作天,唔知大家會唔會有興趣呢?(要留意番Enrich常旅客計劃係2013/12/1先正式生效~)


計劃包含既航線實在太多喇,唔方便一一說明,塑性列晒出嚟比大家睇~

除左新增可換里數既航空公司外,Citi PM卡仲update左2個酒店積分兌換計劃:希爾頓榮譽客會及優悅會。我上希爾頓榮譽客會個網頁睇過,除左可以兌換全球4,000間酒店住宿之外,仲可以用黎換旅行套餐(埃及一站式獎勵係包一晚住宿、一日三餐同桑拿等活動!或者將積分轉贈比朋友,積分仲係冇限期同冇限日子使用添!至於優悅會就有4,600家酒店可選,積分都一樣永遠有效,亦可以將積分轉贈或捐出去。

講到呢度,Lady C.我都同唔少網友一樣,都有興趣知道究Citibank Rewards卡同Citibank Prestige卡有冇一齊update加入呢5個新飛行獎勵計劃呢?多謝網友提供資料,答案係暫時唔會有

(PS:另外附上網友's溫馨提示)
Yoshikisan:「最盞鬼係有埋Etihad,我自己有儲開呢個FFP﹐但從來無諗過在香港知名度相對較低的Etihad竟然都可以簽卡儲分,仲要係HK$8=1miles,唔算差,正。」

keit:「加多左2個酒店program good,不過$8:1 Avios 比 DS BA 的確差d,少數怕長計。」

mileageboy:「我都有Citi rewards卡,所以剛打電話問了CS,CS話rewards卡應該唔會有,但Citi Prestige遲些就會加入這些新的FFP喎…」