Hi~ 里數(六)：情迷日本靠ANA

Lady C.我仲係對東京念念不忘，感覺今次行程好多嘢都未睇到，譬如係櫻花！我同朋友圍住迪士尼入面棵花影咗好耐，點知返香港「些牙」俾fd睇，「梅花嚟架」一下撃沈咗我(淚奔)！不過而家冇錢又冇假，唯有一邊望吓平機票、儲里數資料，一邊FF下次旅行可以更完滿啦！

講到儲里數，相信唔少人同我一樣即時諗到嘅係亞洲萬里通。不過唔知點解條熱線好似成日打極都冇人聽，唔少人都話就算儲到都未必換到心水日子機票，日本通朋友教落可以轉會玩ANA Mileage Club。ANA係咩？All Nippon Airways 全日空！


ANA香港白金Visa卡，簽$8換到1里？！係，雖則話有唔少卡本地簽賬做到更好，但佢兌換日本來回機票嘅里數係17,000里！

(2014/3/25補充：多謝trader師兄補充：旺季如賞櫻好日所需嘅里數或可能超過20,000里，計落未必比儲其他飛行獎勵計劃好，而且好似percysmith師兄咁講，旺季好可能根本訂唔到位！)

而亞洲萬里通要30,000里！即係話唔計任何推廣唔計迎新，簽13萬6千就ok，比起$5/里換亞洲萬里通要簽15萬，相差有成1萬4千！而目前ANA香港白金Visa卡，12月31日前成功申請，兼3個月內簽滿$2,000就有5,000迎新里數獎賞(詳情請按此按此)，真係一啲都唔難！出卡入息要求約為月薪$12,500，可惜係首年後要交年費$800！貴咗少少咁囉！