Hi~ 里數（三）：儲里數主打卡有新選擇？

踏上里數之路，Lady C.我先真係切身感受到儲里數係幾咁難既一個任務，走慣精面既我開始周圍搵下有冇捷徑。我發現，最近重新接受申請既渣打American Express卡(下稱渣打AE卡)，主打本地/海外簽賬$5 = 1里，用黎碌平日消費可能更抵！

渣打AE卡本身既申請入息要求唔高，只要有$60,000年薪就OK，仲免年費，作為新手卡算係個唔錯既選擇！不過如果係新客戶，同時申請埋渣打Visa白金/白金萬事達卡就可以賺更多迎新獎賞，不過要注意後者入息要求係$150,000。(舊客，只申請渣打AE卡都有1,000里送)

本地同海外簽賬都係$5 = 1里，目前黎講本地簽賬算係極好既兌率，但海外簽賬就……只可以話應該有更好選擇。呢度值得注意既係，本地簽賬條款有講明唔計入繳費、繳稅、買現金券，同埋碌AE卡實際上係冇MasterCard咁方便。

另外，呢張卡簽賬額係會先換成360全面賞積分，然後先可以再選擇換亞洲萬里通或KrisFlyer里數架~ ，而換里數每次係需要繳付$300手續費……不過！我打去CS問過，係推廣期內會送$600手續費回贈，只要係佢地3月31日清數前換左佢(夠換2次添！)就冇問題。此後，記得渣打AE卡既積分有效期為3年，等於變相要你3年清積分換1次里數。

最後最後，Lady C.提提大家出完卡記得登記左「渣打x阿聯酋航空既免費機票大抽獎」（2013/12/26截止）推廣先，任何簽賬都有機會贏走免費來回曼谷機票2張，黎緊仲剩返11月20日、11月27日、12月4日、12月11日、12月18日、12月27日共7個抽獎日！