Hi~ 里數(一):最強信用卡組合?

Hi~ 里數(一):最強信用卡組合?

相關信用卡:

Hi~ 里數(一):最強信用卡組合?

發表日期: 2013 年 11 月 08 日 更新日期: 2013 年 11 月 08 日 旅遊

作者:Lady C.

由開始寫Blog直到今日,Lady C.發現原來我分享得最多既係去旅行。無辦法,我係一個不折不扣既爛玩之人,而當爛玩人遇上一籮爛玩朋友就只會一拍即合,永遠有去唔完既旅行,我地嚟緊又打算番兜日本喇~ 一位智者朋友聽倒之後就同我講:「你成日周圍飛,不如研究下點儲里數啦?」



其實都講得岩嘅,如果我一開始就有儲里數就一早可以免費飛幾次,諗落之前真係蝕死。還掂都係,不如下次就用里數換機票飛日本啦!由於對玩里數真係0認識,唯有上網Google一下「儲里數」,然後我發現,咦?原來好多網友都推薦「儲里數最強信用卡組合」──DBS Black World MasterCard + Citibank PremierMiles卡 + 富邦白金/Titanium卡架~

網友提議應該盡碌DBS Black World MasterCard,如果碌爆左先碌Citibank PremierMiles,而富邦就主要for海外簽賬,再喺旅行期間同日常生活靈活碌碌3張卡(依部份遲下再講),里數就可以好似滾雪球咁越滾越大喇!!不過要實現依個夢想,睇嚟我要好似儲閃卡咁慢慢集齊D卡先喇!

DBS Black World MasterCard vs Citibank PremierMiles卡 vs 富邦白金/Titanium卡:


單單比較3張卡既本地同海外簽賬所得已經高下立見,難怪網友會推薦平時要碌盡DBS Black World MasterCard啦!而且以World MasterCard級別信用卡而言,依張卡既年薪要求($24萬)亦唔算高。抵玩又實用之餘,新卡戶喺發卡首兩個月內簽滿$12萬仲可以代走最高32,500迎新里數添呀!至於點簽滿$12萬呢,我建議打算結婚既朋友可以分開用兩張DBS Black World MasterCard去簽酒席,每張簽夠$12萬就可以換兩張機票齊齊飛日本渡蜜月喇~ (如果你既信用額唔夠,可以試下打上卡中心提高Limit呀~) 

其實最好係可以喺11月30日前出埋張富邦白金/Titanium卡備用,一來因為11月30日前成功出卡可以食埋迎新果50,000分(約4,167里),二來帶富邦卡喺海外簽賬有4倍積分,去日本簽仲有8倍分,將過$600既消費單據帶番香港仲可以打熱線2566 8181 抽積分(一個月內可抽6次)!還掂我去旅行都係碌卡消費多又決定開始玩里數,緊係帶D可以儲多D里數既卡去啦!

(PS:小妹係玩里數既超級新手,希望大家多多指教&分享你既儲里數信用卡組合啦~)