Halloween之夜 @ 小大人&親子版

Halloween之夜 @ 小大人&親子版

相關信用卡:

Halloween之夜 @ 小大人&親子版

發表日期: 2013 年 10 月 07 日 更新日期: 2013 年 10 月 07 日 旅遊

作者:Lady C.

仲記唔記得上次Lady C.我同大家介紹既「老蘭Halloween之夜 x 蘭桂坊嘉年華」呀?好玩度滿分就緊架喇,不過我覺得唔係好夠全面姐,始終充滿酒氣既老蘭唔係咁適合未滿18歲既小大人同埋有小朋友既家庭,所以呢,Lady C.我今次就專程為我既Target出動搵節目、搵着數!

每年9月尾開始,兩大主題公園就會喺電視廣告上面大鬥法,今年都唔例外。唔通又係如有類同實屬巧合?Lady C.我覺得「海洋公園哈囉喂」個廣告情節同音樂電影《孤星淚》某D片段好似呀!


莫非「哈囉喂全日祭」(見下圖)係「參考」音樂電影《孤星淚》(見上圖)既橋段?


番番正題先,我諗大家從羅蘭姐與「群茄」合唱既廣告歌入面,已經知道今年「海洋公園哈囉喂」主打全日祭架喇,本來只須比幾百蚊就可以玩足全日機動遊戲同鬼屋(1pm後開放)已經好抵,估唔到用中銀卡買全日祭門票仲有84折,即係話成人全日祭門票只須$268就有交易!你地有冇心郁郁想入場呀?見咁抵,Lady C.就有D心大心細想去玩下,唔算好大膽既我可以玩少少「輕量級驚喜」鬼屋熱身先,之後再挑戰「大膽級激嚇之選」呀!相信到時驚住玩「鬼娃娃回魂夜」同「凶靈工廠」實會好刺激!

至於「迪士尼黑色世界:好玩‧唔好叫」呢,Lady C.我就興趣不大,不過都推介比一眾細膽而又想玩下主題樂園鬼屋既朋友,我諗迪士尼既鬼屋應該都係充滿童趣掛?(本人從未去過迪士尼鬼屋,不便評論)票價方面,迪士尼黑色世界既「夜間門票」不論大人細路都係劃一收$299,可以由6pm玩到11pm,似乎唔及「海洋公園哈囉喂」全日祭咁抵玩。(Lady C.於截稿前未有發現「迪士尼黑色世界」信用卡優惠)


為大家送上少少小妹收集既萬聖節信用卡優惠(如有遺漏請多包容)

其實鬼屋都唔係一定要比錢先有得玩既!令到Lady C.我心大心細玩唔玩「哈囉喂」既原因之唔係商場搞既大型Halloween節目囉(見下表)!當中既「樂富廣場嘩鬼影城」仲分左9個區共佔地4,000呎,規模之大絕對係唔講得笑!所以都強烈建議唔想洗錢玩鬼屋既朋友可以去望望架~ 如果唔想玩鬼屋嚇餐死既話,都仲可以選擇去睇下Halloween限定展覽行下應節,感受下香港萬聖節氣氛嘛!