Häagen-Dazs 期間限定雪糕，到底伏唔伏？

講講個包裝，我覺得兩款都設計得好靚，顏色好鮮豔，喺雪糕架入面都幾搶focus㗎。同埋睇佢出花香味道加埋個包裝同promotion活動，都知佢主打女性市場，唔同日本嗰啲麻糬味咁中性，男女都啱。

官方說法：融合花果香氣的元素，採用摩洛哥及法國的杏桃配上源於地中海的薰衣草，成就出這喚醒味蕾嗅覺的雪糕。深受烹飪界選用的薰衣草能叫人從緊張情緒中放鬆過來，獨有的清香更能提昇雪糕的層次，讓人未嚐到雪糕的幼滑質感，就先聞到彷如置身花海的花果氣息。

G方說法： 雪糕入面又好多杏桃粒，所以幾有口感。但係薰衣草味過重，我第一個反應係覺得好似食緊hand cream，但係如果大家好鍾意花味雪糕的話，呢個雪糕應該適合你。雪糕花香加上杏桃果肉確實比到人清新嘅感覺。

官方說法：融合花果的元素，精選優質鮮果，採用土耳其的幽香玫瑰配上由香甜荔枝果肉及酸甜紅桑子而成的濃郁果醬。讓您的味蕾感受截然不同的清新氣色，彷如置身世外桃源般的感覺，放緩急促都市的繁密腳步。

G方說法：呢款雪糕同elephant ground情人節推出嘅心型Ice-cream sandwich非常相似。荔枝味及玫瑰味都有，唯獨紅桑子略遜一籌，個味道唔係太出。雪糕奶味亦比較重，而且比薰衣草嗰款甜，帶出同薰衣草雪糕不同嘅甜蜜味道。

總括而言，我個人比較喜歡荔枝紅桑子玫瑰雪糕，因為荔枝玫瑰味非常夾，女仔應該會非常喜歡！薰衣草味就相對嘅難入口，唔係個個鐘意嗰種似食香薰油嘅感覺。

聽講呢排係皇室堡有期間限定花味雪糕系列試食活動時間：3月5日至6日（下午1時起），想試過先買可以去試下味先。