Endless Summer 玩轉香港世外桃園
更新日期: 2015 年 07 月 23 日
好多人都話香港係石屎森林，同外國冇得比，不過今個Weekend同朋友去咗南區嘅淺水灣一轉，簡直好似去咗熱帶小島渡假一樣，就等我帶各位玩盡香港淺水灣啦！
潮玩淺水灣最新型格商場
淺水灣除咗海灘外，依家仲多咗個商場－The Pulse，依個商場都係開咗冇耐，而且唔同一般大商場，入面嘅鋪頭都係非常有特色，連Tesla都喺度開咗間Showroom, 各位男士記住要入去行一行啦。
不過而家天氣熱到爆，我要介紹一下佢哋嘅Endless Summer活動，呢個水上嘉年華真係超多嘢玩，除咗而家必備嘅水上滑梯，又有水上排球，仲有DJ喺度熱歌熱舞！而且個位置係商場天台，一望出去就已經係180度淺水灣泳灘景觀，個View仲要比後面嘅超級豪宅更清更近。呢個時候，如果可以有個Set meal就好啦，咁就係真正嘅食View，呢個水上嘉年華就真係包埋個Set meal俾大家啦。咩嘢都任玩，又有得食，都係$180/ 位。而且可以網上用信用卡買飛，一共$360，當我用中銀i-card網上買兩張飛，會有10X積分。
空中拍攝，可以見到成條超長滑水梯再加180度泳灘View。
Endless Summer個Counter就係3樓，另外值得注意就係呢個商場嘅B1有採礦工程進行中，唔知會唔會發現到鑽石呢？
中銀i-card
網上零售交易10倍簽賬積分獎賞
可得積分：($360 x 10)=3,600
然後再用信和卡去信和商場用咗啲積分
信和Visa卡：150分=$1
現金回贈：$24
大家玩完水之後，記得去商場另一面嘅藝術館，不過今次唔係去睇藝術品，而係去玩，藝術館仲專登為咗各位影相而設嘅，任你點影，就算開埋閃光燈都冇保安會阻止你！我講緊嘅就係淺水灣超視覺藝術館，佢係香港最大嘅3D藝術館，足足有成2層咁高㗎！位置就喺Endless Summer嘅另一端，一玩完就可以直接換衫再影餐飽！話明係香港最大嘅3D藝術館，入面總共有成六個唔同主題嘅空間，超過80幅3D作品，每張當影1分鐘，都差唔多要成個半鐘先玩得完！
入面咁多幅作品我最鍾意就係呢張喇，成個金庫喺度。其實要做3D效果一啲都唔難，因為入面會有提示教大家企喺邊個位同擺咩Pose可以影得最逼真！而且展館為咗令到3D更真實，呢個場景你地見到嘅銀紙都係真真正正嘅錢嚟㗎，不過應該會係津巴布韋嘅貨幣囉，唔知會唔會有黑卡，鑽石卡，無限卡呢？做返個信用卡博物館都唔錯。
如果大家唔想用中銀卡轉嚟轉去，又要去信和商場先用得啲分，又成日去旅行，咁可以用東亞Flyer World萬事達卡訂飛，因為都有$5/里數，當買兩張飛$288計，可以儲到$288/5=57.6里數，而且呢張卡換Asia Miles又唔使手續費，想換就換，唔使儲咁大批分，非常方便即興換機票都得！
嚟得淺水灣玩，當然要享受下闊太級嘅生活啦，點可以唔去前身係淺水灣酒店嘅影灣園露台餐廳食返個Tea呢！雖然要成$268一位，不過以6星級嘅價錢計(影灣園係由半島酒店管理㗎！)，再加埋張愛玲嘅《傾城之戀》，算係平㗎喇！
一樓就係露台餐廳啦，成個商場好典雅，連個水牌都特別Classic。
又計下賺到幾多回贈先，下午茶每人$268，一共$536。一講到食嘢，肯定用匯豐卡，之前放哂6X做飲食類別：
可得回贈：($536/250) x 6=$12.864
再加「最紅大折日」，有成5%回贈！但要注意，8月尾前要喺香港簽滿$3,000，每次最少要簽$500先要回贈。
可得回贈: $536 x 5%=$26.8
合共可得回贈：$39.664
走廊一攝。
優美嘅人造園林景。
Google Map附近路況，可以見到一片紅海，附近既路都非常塞下，比得上紅隧。