CV常見的問題（後記）

自《CV常見的問題》一文發表了以後，得到了多位朋友的意見和補充，以下是好友Karen的分享，她曾在公營及私人機構工作，HR經驗豐富，不可不看。

一般職位1頁至1頁半已足夠，要寫夠2頁則depends工種而定。

若然如此，緊記要寫page number加 pto（即是Please turn over），否則行家們包括我只會睇第一版之餘，認為您俾information不足，於是放入廢紙箱。

不少行家們包括我多是保守派，不建議寫abbreviation（例如STREET - ST., ROAD - RD.），除了專業資格和機構的名稱。不過，最好先寫全名再括番縮寫，之後下文寫縮寫就可以。

身份證號碼大家都知道很重要所以不會寫上（不過很多時都見到有人仍會寫），其他資料例如年齡(除手提電話外)、性別、地址、婚姻狀況、宗教信仰、住家電話等等就可免則免了。

雖則如此，但仍有值得商榷的部分，原因如下：

a. 身份證號碼

若然係填寫 application form instead of CV，又或者呢份工係必須係本地人申請（即係避免非本地人甚至非法勞工申請，因為涉及入境條例）。唔填的話，有行家明言會問：「呢位申請人係咪II（非法入境者）呢？」

b. 地址

行家包括我一致認為要填。原因係若然請的職位係本地機構一般職位，但係申請人住在第二個國家，公司絕對要再三考慮（不是歧視，而係間公司出多少錢去請一個人，亦要考慮對方路程的問題。住在香港本地無乜concern，問題係outside香港又如何呢？）

c. 宗教信仰

如果申請機構係教會或有宗教背景而對方在招聘的廣告內有講明的話，就一定要填（雖然不是mandatory）；原因係呢d機構未必請一個宗教信仰不同的申請人工作。

5. 核對資料
以下呢點更重要——請send之前，務必拿著招聘廣告，check清楚有無寫錯申請的職位、通信地址（包括email或by post address）、收信人及申請工作等資料。原因係有唔少朋友因為呢點而被我kill去廢紙箱。

7. 下款稱謂
CV不用填性別，但唔想俾人弄錯您的性別，其實可以在application letter的下款寫自己名時，加番稱謂，即係：Chan Siu Ming (Miss)。

【以上文章同時發表於Bittermelon苦中作樂(2009年11月11日)】