全港戲院日2026｜4月25日戲飛$30開售 附購票詳情及電影推介

週末想輕鬆下睇齣好戲？好機會嚟喇！「全港戲院日2026」即將於2026年4月25日舉行，全港戲院不論任何放映格式，戲飛一律只需$30！由今日（4月22日）中午12點開始就可以正式搶飛。想知點樣買飛最快手？有咩熱門電影好睇？仲想順便賺埋信用卡回贈？即刻睇睇以下為大家準備嘅戲院日最強搶飛攻略！

全港戲院日2026 購票詳情及限制

開售時間與票價設定

今年戲院日定於4月25日星期六舉行，全港一共有52間商業戲院參與。無論你平時鍾意睇普通2D、3D、IMAX定係4DX版本，當日所有放映格式同影院類型嘅票價都係劃一$30！各大戲院票房同網上售票系統會喺4月22日中午12點同步公開發售。不過大家要留意，每人每次最多只可以買4張戲飛。當日除咗包場同特備節目之外，長者、小童同學生優惠都會暫停，不過如果長者首場優惠原本係低過$30，就會維持不變。所有戲院優惠同電影贈券喺當日亦唔適用。

參與戲院名單一覽

為咗方便大家準時行動，我哋整理咗參與活動嘅各大院線名單。大家可以提前準備好電腦或手機，捕住心水院線嘅網站或App：

• 英皇院線
• 百老匯院線、影藝院線
• 華懋電影院線
• Cinema City 院線
• CGV D2 Place
• 高先電影院
• Lumen Cinema
• 寶石戲院
• MCL 院線
• 新寶院線、星達院線、新光黃埔

全港戲院日必睇電影推介

金像獎最佳電影《再見UFO》

難得有平飛，當然要入場支持高質素港產片！剛剛喺香港電影金像獎勇奪最佳電影嘅《再見UFO》絕對係今次戲院日嘅搶手貨。根據目前資料，當日暫時有8場放映，想睇嘅朋友記得提早夾定時間。

其他人氣熱映電影清單

除咗得獎港產片，預計當日全港戲院會有超過70部電影畀大家選擇，涵蓋動畫、劇情片同各地話題作。如果想一家大細去睇，可以留意《超級瑪利歐銀河大電影》；鍾意睇外語片嘅就可以選擇《米高積遜》、《夜王導演版》或者《像我這樣的愛情》。另外仲有《飛馳人生3》、《末世狂沙》等強勁陣容，總有一套啱你心水。

搶飛與信用卡回贈實用攻略

網上購票準備功夫

想確保喺中午12點順利買到心水戲飛同靚位，建議大家預先下載好各大院線嘅手機應用程式，並且提前註冊登入好會員帳號。由於開售初期網站同App嘅流量一定會非常龐大，大家可以準備多一部裝置或者開啟多個瀏覽器視窗排隊。記得提前揀定幾套後備電影同場次，萬一首選已經滿座，都可以即刻轉陣。

活用網購信用卡賺取現金回贈

雖然戲院日戲飛只係$30，但如果你約埋班朋友或者一家人去睇，買夠4張都要百幾蚊。既然各大戲院都支援網上買飛，識玩嘅你當然要用網購信用卡結賬！推介用 AEON CARD WAKUWAKU 賺6%網購回贈，無回贈門檻，每月最高可以回HK$200！

AEON CARD WAKUWAKU

限時優惠！2026年4月13日至5月12日期間，新客戶^#經「AEON HK」手機App用獨家推薦碼「HKCWAKU」成功申請AEON CARD WAKUWAKU，可享高達HK$900迎新禮遇，包括：

• 簽賬一次送高達HK$200回贈
• 迎新高達HK$900 

• 網上簽賬：6%回贈

• 日本簽賬：3%回贈

• 本地餐飲簽賬：1%回贈

• 永久免年費

回贈將以相等港元價值之WAKU COIN發放，並須受條款及細則約束，詳情請按此。

#新客戶定義為該申請人於過去12個月內未曾持有任何有效之AEON信用卡（包括尚未確認之信用卡）。；AEON 信用卡泛指由 AEON 所發行之信用卡及其聯營信用卡。所有申請記錄以 AEON 之系統記錄為準。

按此申請AEON CARD WAKUWAKU

延伸閱讀：信用卡戲院優惠

其實識得用信用卡，睇戲隨時都有得平，唔一定等到戲院日嘅！即睇呢篇信用卡戲院優惠攻略，教你如何賺到睇戲買一送一優惠啦！

常見問題

全港戲院日2026幾時舉行？

全港戲院日2026將於4月25日（星期六）舉行。

戲院日戲飛幾錢？

全港戲院不論放映格式及影院類型，票價劃一為港幣$30。

戲院日戲飛幾時開始發售？

各大戲院票房及網上售票系統於4月22日中午12時起公開發售。

每人可以買幾多張戲飛？

經戲院或網上購票，每人每次最多限購4張戲飛。

長者或學生有額外優惠嗎？

當日不設長者、小童及學生優惠（若長者首場優惠低於$30則維持不變）。

有什麼熱門電影可以看？

預計有超過70部電影上映，包括金像獎最佳電影《再見UFO》及《超級瑪利歐銀河大電影》等。

網上買飛可以用信用卡賺回贈嗎？

可以，建議使用主打網上簽賬高現金回贈的信用卡結賬，以賺取更多獎賞。

戲院日優惠可以用電影贈券嗎？

當日所有戲院優惠及電影贈券均暫停適用。