BoC Pay跨境電子支付錢包 HK$110獎賞速賺攻略

BoC Pay係中銀香港新出嘅一站電子支付錢包，只要有中銀雙幣信用卡或者中銀香港Smart Account，就可以喺Boc Pay綁定，用嚟係云閃付商戶畀錢同免費實時本地跨行轉賬。下面即刻教你點做，仲會話埋你知點樣可以將HK$110獎賞攞到手添。

安裝

首先裝BoC Pay App     App Store 是 Apple Inc. 的服務商標。Google Play 和 Android 均為 Google Inc. 的商標。

綁定賬戶

先示範將中銀雙幣信用卡同中銀香港Smart Account綁定落BoC Pay，過程非常簡單方便。喺主頁揀下面嘅「卡片管理」，就可以選擇綁定中銀雙幣信用卡。只需要攞張中銀雙幣信用卡影張相，或者直接輸入信用卡號碼，過程中透過SMS短訊認證，就可以綁定中銀雙幣信用卡。           綁定中銀香港Smart Account嘅方法，亦都好相似，都係去「卡片管理」頁面，選擇綁定中銀香港Smart Account，然後登入你嘅網上銀行賬戶，再加上SMS短訊認證，就成功綁定咗Smart Account。

畀錢

綁定好賬戶，就去買嘢畀錢喇！去返BoC Pay 主頁，揀「付款碼」，二維碼就會即刻顯示喺手機上面，畀店員掃一掃二維碼，就即刻完成交易。就算身處中國內地，只要商店支援銀聯二維碼，再喺手機選擇中國內地嘅付款二維碼，畀錢一樣咁輕鬆。        而家只要見到貼有BoC Pay或者雲閃付Logo嘅商戶都可以畀到錢㗎！     而家成功透過 BoC Pay 完成一次消費交易，交易金額係HK$20 或以上，就可以攞到 HK$20 獎賞喇。

P2P轉賬

BoC Pay除咗可以輕鬆畀錢之外，轉賬過數畀人亦都非常簡單。當綁定好中銀香港Smart Account，只係需要輸入以下資料 1.收款人嘅流動電話號碼/電郵地址 2.將會轉賬嘅金額 就可以完成免費跨行轉賬，重點係即時收到，而且無手續費，每日最多可以轉賬HK$5,000，簡單快捷。           而家成功透過 BoC Pay 完成一次轉賬交易，轉賬 HK$20 或以上，就可以攞到 HK$20 獎賞。 BoC Pay亦都可以做到電子收款，只要喺主頁揀「智能賬戶」，再揀「登記轉數快」，用BoC Pay將中銀香港賬戶綁定為「轉數快」賬戶，而其他人有你嘅流動電話號碼/電郵地址，就可以隨時轉賬畀你。        而家首次用BoC Pay將中銀香港賬戶綁定為「轉數快」預設賬戶收一筆HK$100或以上嘅轉賬，可以攞多 HK$20 獎賞喇。 著數點止咁少呀！由而家到3月31日仲有一個限時優惠，只要係喺BoC Pay首次綁定中銀雙幣信用卡就可以攞埋最後嗰HK$50獎賞。Total有成HK$110㗎！！！