究竟用邊個里數plan換機票抵啲?今次就以Avios同AsiaMiles 2個里數plan,比較兌換日本、中國、亞洲、澳洲及歐洲一啲城市嘅里數數量,圖表上用咗紅色highlight代表抵啲之選,一望之下成件事即刻立體晒。
對比之下,大家用Avios換短線好喇!除咗用Avios換BA去英國好抵之外,其實用AM換長線地方會抵好多。
【經濟艙】
經濟艙嚟講,用Avios換短線抵過AM好多!長線嘅話,其實都差唔多,除咗BA英國off peak(39,000 Avios)特別抵!
大阪、東京、福岡、名古屋用Avios比用AM換抵咗成10,000里咁多!另外,首爾、新加坡、北京都一樣,用Avios比用AM換少成10,000里。唔怪得咁多網友力撐用Avios換短線經濟艙啦。
澳州嚟講,用AM換比較抵。
如果用Avios換off peak時期搭英航去英國,低至39,000里!比Avios BA peak時期/AM平差唔多一半!
你諗下啵,用AM換東京都要30,000里啦,呢個真心抵。
【商務艙】
同經濟艙差唔多,大阪、東京、福岡、名古屋用Avios比用AM換都抵咗成10,000里。
不過用AM換北海道就抵過Avios 25,000里喇。
另外,中國城市、首爾、新加坡、北京、金邊用Avios比用AM換少成10,000里。而台北仲抵!平咗12,000里。
而美國、澳洲、歐洲城市就用AM換抵好多喇。
【頭等艙】
一眼望晒,AM大比數勝出,比Avios抵。用AM換北海道比Avios抵成30,000里啵⋯⋯可以拎嚟換一張東京經濟機票喇!
而歐洲、美國、澳洲,用AM換北海道比avios抵成幾萬里,大家都係用Avios換短線算罷啦。