【AsiaMiles攻略】國泰新航線 香港直航飛德島
【AsiaMiles攻略】國泰新航線 香港直航飛德島
相關信用卡:

【AsiaMiles攻略】國泰新航線 香港直航飛德島

發表日期: 2018 年 09 月 07 日 更新日期: 2018 年 09 月 07 日 儲里數攻略Asia Miles 信用卡旅遊獎賞錢
作者:StillMoney
  今次同大家介紹嘅「德島」,係位於四國東部嘅縣市,最出名係日本傳統藝能「阿波舞」嘅發源地。咩話?吸引唔到你?如果睇埋呢張相呢?
鳴門の渦潮
無錯!佢就係德島最最最出名嘅鳴門漩渦!(圖片來源德島縣觀光協會

國泰 新航線 香港 直航 飛 德島 詳情

點解會無啦啦提德島呢?事關國泰月初宣布,將於2018年12月19日至2019年3月30日期間,開辦由國泰港龍營運,由香港直航前往德島嘅季節性定期航班,每星期有兩班機(逢星期三同六),比起之前要先飛大阪,再轉坐成2個半鐘嘅高速巴士,真係慳咗唔少時間! 國泰香港<>德島 國泰港龍 時間表如下: 逢周三及周六:09:30a.m.由香港出發直飛德島。 逢周三:4:30p.m.由德島出發直飛香港。 逢周六:5:00p.m.由德島出發直飛香港。 來回價錢大約$3500起,唔想用真金白銀買機票都得,就係申請張信用卡儲AsiaMiles亞洲萬里通,只需要20,000里就換到啦!(文末介紹咗幾張卡可以儲AsiaMiles畀大家參考參考!)

直航 飛德島有乜玩?

德島呢個地方其實幾搞笑,試過被日本市民選為「寧死也不要去住的地區」頭幾位,點解呢?主要原因係德島三面被1000米高嘅山巒環抱,地勢高而且道路不平,要長住的話的確唔係幾方便。不過正因為咁,佢嘅賣點就係以「自然景觀爲基調的觀光勝地」,當中嘅「祖谷溪」更被譽爲日本三大秘境之一!我本人就搵咗幾個德島特色景點,值得大家去睇下: 鳴門漩渦 鳴門漩渦 鳴門海峽位於德島縣的東北面,被稱為世界三大潮流之一。官方介紹話,鳴門海峽南北海水深度唔同,潮汐漲退海流互相匯流個陣,就會造成獨特嘅「鳴門漩渦」。漩渦最大直徑達20米,堪稱世界上最大規模嘅漩渦,據說仲會產生巨大嘅聲響,所以被命名為「鳴門」,3月下旬至4月下旬就係最佳嘅觀賞期。 阿波舞 文初已經講過,德島因為「阿波舞」而聞名於世,當中有一說法話響好耐好耐之前,每年響夏季佛教盂蘭盆節(祈求死者冥福嘅儀式),夜晚就會有好多人聚埋一齊跳盂蘭盆舞,後來呢種舞被統稱為阿波舞。阿波舞不單止響德島縣內有得睇,響日本各地都有,但響德島市嘅「阿波舞」就最大規模,每年8月12日至15日一連4日由朝到晚,有超過10萬人嘅舞蹈隊伍會響大街大巷上跳舞。就算你8月去唔到,當地仲有「阿波舞會館」同「阿波舞博物館」畀你欣賞到。 祖谷葛藤橋 圖片來源likejapan 偏遠少少,位於德島縣西部嘅祖谷川有一條「祖谷葛藤橋」,堪稱日本三大奇橋之一!佢係一條長45米、寬2米,距離水面15米嘅吊橋,橋本身係由5噸嘅軟棗獼猴桃樹枝所製成,每隔3年就要重新編一條新嘅出嚟。響條橋每行一步就會發出聲響,橋面又會不停搖晃,真係步步驚心! 小便男孩 (圖片來源:德島縣政府圖片) 響祖谷溪仲有一個「小便男孩」塑像企響一塊突出嘅岩石邊,據講以前曾有當地嘅細路仔同遊客爲咗測試下膽量,就會企響呢塊海拔200米嘅岩石上小便,但老實,就算你唔做任何野,齋企響個塊岩石邊邊,都腳仔軟啦!係咪? 大步危‧小步危 圖片來源likejapan 大步危同小步危都係位於德島縣西部吉野川上游嘅溪谷,「步危」其實就係「行走好危險」嘅意思,據講古時嘅人以前響大小步危嘅小道上行走,無論係「大步走」定係「小步走」都好危險而得名。大步危同小步危係一條連綿長江,兩岸係深V字形嘅懸崖,一路行一邊可以欣賞溪谷一帶嘅風景,秋天仲可以欣賞埋紅葉添。唔想行的話都得,可以坐遊覽船同玩激流泛舟。 通往四國島嶼的門戶 唔知國泰係咪驚人唔知德島響邊,仲特登響段新聞稿提到:「德島是通往四國島嶼的門戶... ...四國島嶼擁有美麗的海岸線和壯觀的山脈,廣受戶外活動愛好者和自駕遊旅客歡迎。」言下之意,想去四國玩嘅朋友,響2018年12月19日至2019年3月30日都可以考慮下轉坐呢班由香港直航德島嘅班機啦。

想儲AsiaMiles 亞洲萬里通要申請邊張信用卡?

入正題啦,嫌飛德島要$3500高價位?但又想坐國泰機,咁點算好呢?咁就要學識申請返一張信用卡,可以邊消費邊儲AsiaMiles亞洲萬里通,今次我就精選咗幾張畀大家參考參考。 滙豐白金Visa卡 年薪要求$150,000,登記咗「最紅自主獎賞」其中一個類別後,指定簽賬可以做到$4.17/里。如果揀咗「賞世界」或「賞中華」,仲可以做到$2.27/里。經本網申請仲送你額外$50「獎賞錢」,相當於500里。 滙豐Visa Signature卡 年薪要求$480,000,登記咗「最紅自主獎賞」其中一個類別後,指定簽賬可以做到$2.78/里。如果揀咗「賞世界」或「賞中華」,可以做到$1.79/里。經本網仲送你額外$50「獎賞錢」,相當於500里。 DBS Black World Mastercard 年薪要求$240,000,合資格本地簽賬$6/里,海外簽賬就$4/里,八達通自動增值就$12/里。而家經本網申請仲送你額外$150百佳超市禮券! Citi PremierMiles 信用卡 年薪要求$360,000,合資格本地簽賬$8/里,海外低至$3/里。 美國萬通國泰航空尊尚信用卡 年薪要求$300,000,合資格本地簽賬$6/1里,外幣簽賬$4/1里,呢張卡最出名係全年無限次享用環亞機場貴賓室! 渣打亞洲萬里通萬事達卡 年薪要求$240,000,合資格本地簽賬$6/里,食肆、網上同海外簽賬就$4/里。 最後溫馨提示,年薪要求只係申請信用卡時其中一個因素;部份信用卡兌換里數要畀手續費;如有爭議,一切以銀行最終決定為準。 (開筆之際,超強颱風飛燕吹襲日本四國和關西等地,導致多人傷亡,但願天佑日本!)