Asia Miles懶人包(一)

Asia Miles懶人包(一)

相關信用卡:

Asia Miles懶人包(一)

發表日期: 2016 年 06 月 10 日 更新日期: 2016 年 06 月 10 日 Asia Miles 信用卡生活

作者:Salad Ho 沙律

一。Asia Miles係乜咩?
Asia Miles係一個旅遊同消費嘅獎勵計劃,當你用Asia miles夥伴信用卡消費,就可以儲到Asia Miles。聽落好複雜,其實畀兩擔心機了解,人人都可以一里通百里明,明白了計算可變簡單㗎喇。

二。點儲Asia Miles?
其實用儲Asia Miles係易過借火,用Asia Miles夥伴信用卡科水買嘢,禮成。另外,去Asia Miles合作夥伴消費都可以儲里數,當中包括航空公司、金融保險、時裝店、餐廳等等,所以出街買件衫同食餐飯都可以換到里數㗎喇。簡單嚟講就好似去超市買嘢儲印花一樣,不過禮品就High class好多喇,例如有五星級酒店、美食、租車等等,而出名鐘意旅行嘅香港人就主要用嚟換機票同upgrade客位。

講咗咁耐,嗱我用例子答你:

除此之外,人少少就教下大家用個著數少少嘅方法去玩Combo啦,即係一次消費賺盡2次飛行里數。由於Asia Miles有好很多合作夥伴,非常疊馬,所以用夥伴信用卡喺其他夥伴公司消費就能夠以最少金錢賺盡最多里數。以下例子嘅信用卡同航空公司同樣都係Asia Miles嘅夥伴公司。

Asia Miles合作夥伴:
https://www.asiamiles.com/am/zh/about/partners

三。點樣兌換里數?

首先唔同地區需要嘅里數都唔同,教下大家點樣輕鬆換機票去玩啦。

第一步先喺亞洲萬里通網站Click兌換獎勵,再Click兌換方法。

然後嚟到跟據飛行獎勵版面, 揀飛行獎勵搜尋器。

首先去飛行獎勵搜尋器搵搵換機票需要幾多里數。輸入機票類別、客位類別、出發地、目的地同埋航空公司資料,如果要轉機就記得揀返左下角「增加航段」。

我用兌換國泰香港往返台北經濟客位為例,原來需要15,000里。

如果需要兌換客位提升獎勵、同行貴賓獎勵機票,可以去「亞洲萬里通」獎勵換算表 ,睇返所需里數。

四。去邊兌換里數?

1. 如果要兌換國泰航空、港龍航空、英國航空同澳洲航空嘅飛行獎勵,可以登入國泰航空或港龍航空網頁兌換獎勵機票。
2. 如果要兌換其他夥伴航空公司嘅飛行獎勵,就要填妥同遞交兌換飛行獎勵申請表。Asia Miles嘅客戶服務主任就會聯絡你去確認兌換申請。

好啦講咗咁耐,畀你放個尿Break兒先,等陣再話埋Asia Miles其他得意嘢同埋換飛嘢你知。

Asia Miles網站:www.asiamiles.com