終於實裝喇！Apply Pay而家可以用八達通，要iOS 13.5以上先用到，同埋Apple Watch Series 3以上都用到！不過注意，一張八達通只可以跟一個裝置！如果你想喺Apple Pay用八達通就跟住呢個教學做啦～
Apple Pay使用八達通卡條件
- iPhone 升級到 iOS 13.5 以上
- Apple Watch升級到 WatchOS 6.2.5 以上
以下八達通無法使用Apple Pay
- 12歲以下的個人八達通
- 具「殘疾人士身份」的個人八達通
- 具「學生身份」的個人八達通
- 員工個人八達通
- 八達通手錶
- 八達通配飾
- 特別版八達通
- 銀行聯營八達通
- 已購買羅湖／落馬洲／迪士尼月票的個人八達通
- 八達通流動電話卡
不可使用／享受之服務及計劃
- 停車場時租／月租服務
- 參加港鐵泊車轉乘計劃
Apple Pay八達通增值不可使用的信用卡
美國運通卡
iPhone設置Apple Pay 八達通
設置Apple Pay八達通有兩種方法：
- 於Apple Pay內開設新卡
- 將實體卡轉移至機內，然後實體卡將會失效。
增值Apple Pay八達通可以儲信用卡積分？
暫時得知匯豐Red卡只可獲得八達通自動增值積分，亦即0.4%獎賞錢，而非網上交易的4%獎賞錢。
Apple Pay內開設新卡教學
步驟一：開啟Apple Pay，點擊右上角的加號
步驟二：選擇加入八達通
步驟三：輸入增值金額，可選擇HK$100、HK$200及HK$500（新八達通卡需繳付HK$50按金），增值後付款即可完成。
步驟四：同意條款與細則
加卡完成
八達通Apple Pay 實體卡轉移至機內
步驟一：開啟Apple Pay，點擊右上角的加號
步驟二：選擇加入八達通
步驟三：點擊從Transfer Existing Card(從現有的卡轉移)
步驟四：輸入相關資料便可完成設立虛擬卡，實體卡失效。
八達通 Apple Pay 特快交通卡設定
相信唔少朋友都知道日本Suica喺Apple Pay使用，可以唔需要解鎖就可以用到。而香港Apple Pay嘅八達通卡同樣都可以咁設定，非常方便！
步驟一：進入Apple Pay，揀選虛擬八達通後，按右上角三點。
步驟二：選擇特快交通卡設定
步驟三：勾選右邊綠色按鍵，從而選擇開啟或關閉
Apple Watch八達通教學
如果你有Apple Watch，咁用八達通就更方便，你都可以有隻八達通手錶！要Apple Watch使用八達通，首先要Apple Watch Series 3或以上，同埋watchOS 6.2.5以上，未更新的話就先update再安裝。
首先在iPhone內登記八達通，去iPhone嘅Watch App加入八達通，加入後佢會預設免按鍵特快交通卡功能，咁搭車就可以直接拍，平時用嚟買嘢，就按兩下錶側邊再揀八達通付款。
留意同一張八達通唔可以同時在iPhone同Apple Watch共存，轉咗去手錶之後，手機嗰張八達通就會失效，所以如果想iPhone同Apple Watch都有八達通，就要買多張或者轉多張。