ANA Miles教室（六）住全球酒店簡單直接儲里數

除咗去日本嗰陣訂日本酒店可以儲ANA里數之外，ANA同好多酒店集團都有合作，住旗下酒店時只要提供ANA Mileage Club號碼就可以儲里數，有啲以次數計，有啲以房價計算。

賺里數流程

1. 首先Check下面個List有冇你想住嘅酒店先。

2. 到Check-in個陣，俾你個ANA Mileage Club號碼同名 (最好俾你張ANA Mikeage Club張Member Card) 俾酒店職員登記。有啲酒店可能要你登記咗佢哋本身個積分計劃，然後會俾酒店積分你，等你自己轉分做ANA里數。

3. 到Check-out個陣拎返有自己名嘅酒店收據做記録。2-3個星期左右就會入咗里數入ANA Mileage Club戸口。

其實唔止以上列出嘅酒店，想知仲有咩酒店可以賺ANA里數，可以賺到幾多里數，可以參考ANA網站。

某啲酒店要做咗酒店常客計劃先可以儲到里數，機長就係Starwood Member，就用返佢嚟做示範。

首先要喺Starwood度登記戶口，大家最好先睇睇ANA個説明。Starwood説明就入呢度，登記戸口就入呢度。登記完去Starwood網站，登入完就會去到呢頁，選擇返ANA同輸入返ANA會員號碼，再撳確定。

咁就成功登記咗！之後住Starwood旗下酒店，入住時提供Starwood戶口號碼同ANA里數戶口號碼，之後儲到Starwood積分就會自動轉換成ANA里數。

要留意只有ANA Mileage Club會員嘅酒店住宿先有資格獲得里數，要係預訂時確認每間連鎖酒店係咪有里數可以累積。另外，只有直接喺酒店支付住宿費用先有資格獲得里數，如果多個ANA Mileage Club會員住同一個房間，只有1個會員獲得里數。即使ANA Mileage Club會員預約並支付多個房間住宿費用，都只會得1個會員獲得1間客房里程，而儲到里數嗰個係跟收據上標明姓名嘅客人。