ANA Miles教室(二)平時吃喝玩樂、衣食住行都可以賺里數?

ANA Miles教室(二)平時吃喝玩樂、衣食住行都可以賺里數?

相關信用卡:

ANA Miles教室(二)平時吃喝玩樂、衣食住行都可以賺里數?

發表日期: 2016 年 12 月 15 日 更新日期: 2016 年 12 月 15 日 旅遊

作者:機長Senki

平時吃喝玩樂、衣食住行都可以賺里數?

除咗直接買機票,其實仲可以用大新ANA香港白金Visa卡,簽賬賺里數換機票。

什麼是ANA信用卡?

「ANA香港白金Visa卡」係全日本空輸株式會社(全日空)同大新銀行合作推出嘅信用卡,專為身處香港嘅ANA會員提供服務。 申請開戶時,無需喺香港擁有任何信用記錄,而所有簽賬均由港幣結算。每次使用ANA香港白金Visa卡簽賬,即可賺取飛行里數!


ana-fb-ad.png

ANA信用卡迎新優惠

而家申請ANA信用卡,於下年年費屆滿後,如果喺過去12個內累積合資格簽賬滿HK$50,000,就可以豁免下年度主卡同附屬卡嘅月費。

除此之外,仲可享以下三大獎賞!

1)迎新里數獎賞

要儲里數,最快就係賺迎新獎賞。申請大新ANA香港白金Visa卡,原本做緊5,000迎新里數優惠,而家張卡10週年仲加碼去到10,000里數。只要出卡後頭3個月內累積簽賬滿$10,000或以上,就可以賺到10,000里數

因為ANA有family program嘅關係,老公老婆一齊申請,每人簽夠HK$10,000,加埋就有20,000里,咁就可以換到一張來回日本機票!而且網上繳費購物一樣當係合資格交易。賺取迎新里數話咁易啦!

2)海外簽賬優惠

除咗迎新加碼,大新ANA香港白金Visa卡嘅海外簽賬比率亦有新優惠,由而家起至12月31日,海外零售簽賬變成HK$6=1里數,無論係去旅行食買玩,定係上網Shopping用外幣交易都一樣計,喺外國或香港都可以照賺里數。而且里數係自動轉換,唔收手續費,里數有效期長達36個月,有足夠時間儲里數換機票。

而喺香港零售簽賬為HK$8=1里數。不過機長同老婆就用埋八達通自動增值服務,家下坐地鐵過一程海都差不多10蚊,點解唔儲埋里數?機長就住喺大西北,過一過海都可以儲成3里。兩公婆凈坐車毎日都已經12里。仲有間中買快餐,便利店同幫人支付寳,淨計八達通一個月500-600里唔係問題!

ANA 八達通 fb.jpg
ANA限定八達通

其實連公屋交租都可以經繳費靈用信用卡交租!機長唔係住公屋唔知詳情,但有朋友真係咁様儲埋里數。機長都係租屋住,不過屋主就喺外國,所以都係用Paypal交租,咁又儲到里數!再加加埋埋正常零售簽賬,好似電器更新,間中出去食吓飯咁(特別係同朋友食飯通常用Card先),3年儲到34000里2張ANA東京/名古屋同大阪來回香港機票並唔難~

真係儲唔到的話,可以儲一個人單程!最近ANA旗下LCC香草航空,就可以用ANA里數換機票,機長認為以LCC計8500里一張單程算貴,但唔夠里數換ANA機票時,香草航空都係一個好選擇。

3)額外里數奬勵

而ANA香港白金Visa卡主卡客戶乘搭ANA集團的航班,除可累積基本里數外,更可享額外25%里數奬勵

只要用ANA Card係香港境内,買任何ANA航班都可以儲多25%里數奬勵。

例如機長個人係用ANA SkyHoliday去買Package去日本東京, SkyHoliday指明機票訂位代號:L,機長呢次去坐ANA去日本就可以有3646*30%=1093里數。但係因為用ANA香港白金Visa卡買,就再多25%里數奬勵1093*125%=1366里!

更多關於買機票賺ANA Miles可以參考返我上次嘅Blog

除咗直接買機票同用大新ANA香港白金Visa卡外,仲有幾種方法可以高速地儲到ANA里數,之後會繼續同大家遂一介紹,特別係成日去日本嘅你,記住要留意機長嘅Blog呀!