之前兩篇Blog講過買機票、簽卡點樣賺多啲ANA里數,仲有一個儲分儲得快嘅方法就係由合作夥伴積分轉分過去。
ANA同好多公司合作,香港最多人知就係日本樂天。樂天通常毎買100円就有1分,由樂天積分轉為ANA里數就係2分一里,好似好小咁,但仲未計你本身用ANA Card海外零售簽賬HK$6=1里數,即係100円其實有1.5里。
機長經常會喺樂天買野,間中仲有啲樂天舗頭係做緊倍數積分,最高有近10倍積分。機長試過喺樂天買模型、個模型値20,000円,10倍積分之後就有2,000分,再轉換成ANA里數就有1,000里。
下圖就係機長用6020楽天分,換左3010里入去ANA個里數戸口。
樂天分就1円等如1分,要交換里數的話就2分可能以交換1里。
基本上等同2円1里!交換方法去下面Link:
https://point.rakuten.co.jp/exchange/ana/regist/
入到去填返ANA個里數戸口號碼、名同想換幾多分,好簡單!
其他可以轉分嘅有Club Panasonic、スギ薬局同マツモトキヨシ等等。特別係スギ薬局同マツモトキヨシ呢2間薬局,相信好多女士都會去買藥妝,但又好多人都未必知可以儲ANA里數,喺唔知道嘅情況下,明明可以儲到換幾張機票嘅里數但又無去儲,搞到失去咗拎免費機票嘅機會,非常可惜!
スギ薬局同マツモトキヨシ呢2間薬局同様都要先做咗會員先,毎買滿100円有1分,滿500分就可以去店舖度提示交換ANA里數,就可以換到100里數入去ANA個里數戸口。要做會員最好舖頭即場填表,即時拎卡!
去店舖度拎張「交換賞品カタログ」填返ANA個里數戸口號碼、名同想換幾多分,再交交畀店員。
スギ薬局同マツモトキヨシ呢2間薬局就1分等如1円,要交換里數的話就500分可能以交換100里。基本上等同5円1里!
最後會同大家講講旅行直接儲里數!,特別係成日去日本嘅你,記住要留意機長嘅Blog呀!