ANA Miles教室（七）唔夠換ANA 半額里數換香草機票

ANA里數要換機票的話，來回香港至少要用17000里，不過最近ANA子公司，LCC香草航空就同母公司合作，用ANA里數就可以交換香草航空機票，當然用正規航空公司里數去換低成本航空公司里數就肯定蝕，但係喺里數不足，又接近到期嘅情況下，都不失為一個好方法。

用ANA里數換香草航空機票嘅里數，ANA香港英文官方網站就話日本國内線5000里單程，而國際線就10000里起單程，不過機長就發現日本官方網站話家下做緊優惠，只要8500里就可以換一張單程香港去東京成田或東京成田返香港機票一張，個優惠就做到今年3月21日（可使用日期就去到今年3月25日）。

方法就有啲複雜，不過有無優惠嘅方法都一樣，等我示範俾大家睇。

要先登入香港ANA網站先，登入後就喺右上角Click ANA里程倶楽部，之後就會向下彈出ANA里程倶楽部個多項選擇。再Click兌換哩程。

 

之後就會入咗Using Miles呢一頁，Click Vanilla Air Flight Awards。

 

就會入咗Overview Vanilla Air Flight Awards呢一頁。

 

大家最好睇睇D通告同條款先，之後就落去下面，Click Apply for Vanilla Air Flight Awards。

 

就入咗由全日空轉去草香航空呢一頁，Click中間 To Vanilla Air Offical website for AMC flight award reservations。

 

就會叫你入密碼，入完密碼就Click Login(Member's page)

 

終於入到去香草航空，選返來回定單程，起飛地點同降落地點，出發日期同使用人。

 

之後再襟Search。

 

就會出現選擇出發日子呢一頁。Click你想出發嘅日子（好似下面2月22日）之後，右邊就出現咗想出發日子嘅航班，再Click想坐嘅航班（好似下面JW300）之後，下面就會顯示你選擇嘅出發日子同選擇嘅航班，仲有要用嘅里數。無問題的話就Click Continue。

 

就會入咗Passenger Details 呢頁，填返所有資料後就Click Continue。

 

之後就會入咗附加服務嘅行李選擇頁，里數換機票本身送咗20KG寄艙行李，想加的話可以自己加行李件數同重量。無野加就直接Click Continue。

 

之後到附加服務嘅優先選擇坐位，LCC的話優先選擇坐位係要收費，香草航空的話要700円。唔使優先選擇坐位的話就直接Click Continue。

 

之後就到付款喇，要付款嘅原因係：
１：里數換機票係唔包税！
２：加咗附加服務。
填好信用卡資料後，仲要Click同意條款，就可以Click Purchase Page。

 

就會出現最後一歩，再確認多一次名，出發日期同航班、用幾多里數、税同附加服務收費，無問題的話就Click Purchase，就完成ANA里數換香草航空機票喇。