ANA Miles教室(一)點樣買機票賺到盡?

ANA Miles教室(一)點樣買機票賺到盡?

相關信用卡:

ANA Miles教室(一)點樣買機票賺到盡?

發表日期: 2016 年 12 月 08 日 更新日期: 2016 年 12 月 08 日 旅遊

作者:機長Senki

香港人就一向儲開Asia Miles,咁日本人呢?就會儲呢個ANA(全日空) Miles,原因係ANA同好多公司合作,儲里數速度係非常之快!!成日去日本嘅人可能已經喺唔知道嘅情況下儲到幾張機票可以拎但又無去儲,搞到失去拎免費機票嘅機會!機長喺香港正常消費洗用都可以二年儲到3-4張。所以經常去日本嘅朋友~至少要有個ANA Account傍身呀!
儲ANA里數有幾個方法,航空公司最直接一定係坐飛機啦~
所以介紹吓先!坐飛機儲里數都有幾個方法㗎!
1)ANA國際航班
由ANA或子公司Air Japan營運國際之路線,可以根據訂位代號分為6個等級去儲返相應嘅里數。
分別係:
150%(訂位代號為F,A及J)
125%(訂位代號為C,D及Z)
100%(訂位代號為G,E,Y,B及M)
70%(訂位代號為P,U,H及Q)
50%(訂位代號為V,W,S及T)
30%(訂位代號為L及K)
而ANA由香港飛日本有4條航線,分別有大阪(關西國際機場)、名古屋(中部國際機場)東京羽田(東京國際機場)及東京成田(成田國際機場)
由香港飛日本以訂位代號為G,E,Y,B及M(100%)去計算的話,
香港單程去大阪或大阪單程去香港可以儲1548里數,來回就3096里數,
香港單程去名古屋或名古屋單程去香港可以儲1632里數,來回就3264里數,
而香港單程去東京成田/羽田或東京成田/羽田單程去香港可以儲1823里數,來回就3646里數。
例如機長個人係用ANA SkyHoliday去買Package去日本東京, SkyHoliday指明機票訂位代號:L,機長呢次去坐ANA去日本就可以有3646*30%=1093里數。
2)ANA日本國内線航班
由ANA或子公司ANA WINGS營運之國内路線,根據訂位類別為5個等級去儲返相應嘅里數。

由於ANA國内線航班太多訂機票嘅種類。所以要睇睇下面張圖喇!
有樣特別少少就係ANA有個日本國內線網上機票優惠
只限外國人買,任何一程機票都只係10800円,機票訂位代號H。
車長就試過買札幌去沖縄、來回都係HKD1480!
呢個計里數方法就係跟返Domestic Sectors of International Flights去計算。所以係100%。
就可以有2794里數!
詳細可以去呢個網址:外國人日本國內線網上機票優惠
3)星空聯盟航班
星空聯盟係多間國際航空公司結盟嘅國際性航空聯盟,藉由共用軟硬體資源同航線網等方式,強化聯盟各成員競爭力。而家星空聯盟成員數已發展到27個,除咗係歷史最悠久、規模最大嘅航空公司聯盟之外,亦令其他對手航空都夥伴成立聯盟團隊,例如天合聯盟(SkyTeam)同寰宇一家(oneworld),同星空聯盟作出抗衡。乘客喺飛行常客獎勵計劃使用同一戶口,而乘搭不同航空公司都可以賺取飛行里數。
星空聯盟入面包括:

同樣由香港直飛日本嘅星空聯盟航班,

有去成田嘅埃塞俄比亞航空同去大阪嘅印度航空。
機長以2月頭去到2月中(不多過14日)試買機票,
埃塞俄比亞航空約HKD2300,訂位代號係V。
根據ANA網站埃塞俄比亞航空訂位代號V可以儲70%
來回可以儲3646*70%里數=即係2552里。
印度航空約HKD2500,訂位代號係W/G。
根據ANA網站印度航空訂位代號W可以儲70%(G的話無里數儲)
來回可以儲3086*70%里數=即係2160里。
而香港人成日去嘅台灣就有星空聯盟嘅長榮航空。
機長以2月頭去到2月中(不多過14日)試買機票,
香港來回台北的話,長榮航空約HKD1192,訂位代號係W。
根據ANA網站長榮航空訂位代號W係無得儲里數!
所以要買貴啲嘅訂位代號S同Q,約HKD1700,而訂位代號S同Q可以儲50%
香港單程去台北492里數,來回就984里數,但係只可以儲50%,
所以就可以儲492里。
間間航空公司訂位代號都有唔同,所以喺ANA星空聯盟及提携航空里數名單會清楚啲!
4)提携合作嘅航空公司航班
乘客喺飛行常客獎勵計劃使用同一戶口,而乘搭不同提携合作嘅航空公司都可以賺取飛行里數。
同ANA有提携合作嘅有:

由於香港無直飛日本嘅提携航空公司,所以就搵最近,位於澳門嘅澳門航空。
機長同樣以2月頭去到2月中(不多過14日)飛東京試買機票,
澳門航空約HKD3600,訂位代號係T。
根據ANA網站澳門航空,訂位代號T可以儲50%。
而澳門單程去東京成田或東京成田單程去澳門的話可以儲1843里數,
來回可以就儲3686里數,但係只可以儲50%,所以只可以儲1843里。
以價格比的話,買外國人日本國內線網上機票優惠(由沖縄來回札幌)係最低。
HKD1480就有2794里數。如果坐LCC去沖縄再轉去札幌,分分鐘毎個人只係HKD2000。仲有里數儲添!
不過買外國人日本國內線網上機票優惠有一定條件!
就係
1.於日本以外地方居住。
2.乘客必須持有除日本外任何一個國家/地區簽發的護照,或是持有日本護照的海外永久居民。*不適用於非永久居留許可及工作許可人士。
3.持有往返日本的國際航班機票之人士。
詳細可以去呢個網址:外國人日本國內線網上機票優惠
除咗直接買機票,用大新ANA香港白金Visa卡簽賬都可以賺里數換機票。另外,仲有幾種方法可以高速地儲到ANA里數,之後會繼續同大家遂一介紹,記住要留意機長嘅Blog呀!