ANA EDY卡 日本購物賺里數

ANA EDY卡 日本購物賺里數

相關信用卡:

ANA EDY卡 日本購物賺里數

發表日期: 2016 年 09 月 08 日 更新日期: 2016 年 09 月 08 日 生活

作者:Salad Ho 沙律

上篇講到申請完mileage會員之後等2-3星期就會收到made in Japan嘅靚仔會員卡,原來呢張只係普通卡,只要打上hotline,仲可以申請張EDY會員卡!我呢啲新手手上有普通卡,剛剛申請埋EDY會員卡。不過未寄得切嚟,我就要去日本旅行喇!今次雖然用唔到EDY會員卡嘅功能,不過都想share少少關於呢張卡嘅特點。

ANA EDY會員卡有咩特別?

呢張會員卡類似八達通,喺日本約45萬店鋪可以使用!只要喺便利店再拍卡增值就可以使用喇。最特別係每消費200yen就可以賺一里,有啲店鋪消費200yen有2里㖭㗎!EDY會員卡唔似SUICA卡可以於JR等交通工具使用,不過好處係可以免去成袋散銀咁重同摷錢嘅麻煩。每次去日本便利店買嘢都找返一手神砂,隨後買嘢又唔好意思出動散銀,唯有拎晒去怒買JR車飛,或者帶返屋企奢望下次再用,結果每次返嚟堆銀只會愈堆愈多,呢個輪迴好似冇停過⋯⋯所以申請ANA EDY卡幾方便㗎(假如你成日去日本),一來可以方便找續,二來可以幫補儲里數。

申請方法:先成為AMC會員,再打上hotline 2810 7100要求申請EDY會員卡,講完會員number同核對返個人資料就可以喇,暫時都仲係免費!新卡約於2-3星期寄到閣下府上喇。

外觀:EDY會員卡比普通卡多咗「樂天EDY 」logo。

-唔可以claim返申請前嘅消費。
-AMC會於消費後2-3星期將里數入帳。

不過並唔係所有可以用EDY卡付款嘅店鋪都可以儲到ANA里數!以下係可以儲到ANA里數嘅店鋪:
便利店7-11、伊勢丹、小田急百貨店、大丸福岡天神店、東急百貨、BOOK OFF等等
詳細可以去返官網check check。

以下店鋪每消費200yen有2里:
有藥妝天國松本清呀!
網址

另一方法係上樂天搵合作店鋪資料。

1.click「使えるお店を探す」

2.「地図で探す」搵你想search嘅日本地方,例給我想搵涉谷有咩每消費店鋪200yen有2里,首先click「東京」。
再click「渋谷区」。

4.揀「絞り込み」(refine search),再揀「マイルプラス」(mile club)。

5.地圖上就會顯示出乎合條件嘅店鋪喇!圖中顯示嘅係涉谷藥妝店松本清。