Amazon網購泰國藥妝邊樣抵?

Amazon網購泰國藥妝邊樣抵?

相關信用卡:

Amazon網購泰國藥妝邊樣抵?

發表日期: 2016 年 09 月 08 日 更新日期: 2016 年 09 月 08 日 購物

作者:Yvone 二方

好多時一講藥妝我哋就即刻諗起係日本或者韓國,其實有唔少泰國嘅藥妝都有好高嘅評價!雖然聽聽埋埋都心郁郁想試下,不過要買泰國嘅藥妝門路的確唔多,好多時都要逐間舖頭行,或上instagram睇下有冇代購,又或者托朋友遊泰時順便帶返來。要逐樣貨品咁樣搵法,都真係幾麻煩。今日上Amazon時發現佢唔少受歡迎嘅藥妝都有,如果唔想散修修咁逐件貨搵來搵去,可以考慮下上Amazon一次過尋寶喎!雖然Amazon有齊唔少熱門貨品,不過都有啲抵買有啲唔抵,今日就睇下啲熱門產品邊件抵買先!

POND'S BB控油粉

每次提起泰國藥妝,呢個BB控油粉都會榜上有名。初頭我望見佢個樣,以為佢係一支爽身粉,原來佢實情係一支可以用上臉部嘅控油粉。佢有UV防曬功能,拍上臉部除咗可以定妝吸油之外,仲可以防曬。亦有人將佢拍喺身體上面當防曬粉咁用。


▲除返開一支大約$30左右,對比起代購$20一支真係貴咗少少。除非就唔啱代購時間,如果唔係就代購抵啲。



Mistine眼線液

Mistine可以話係泰國嘅化妝品名牌啊,好多產品都聽說幾好用,唔少人都話佢嘅眼線筆油眼都唔怕溶妝。可惜喺香港唔算好易買到,一係就要等代購。上Amazon發現有得買呢支銀管眼線筆,而且價錢同代購唔差得遠。而代購比較難搵嘅紅管眼線筆都有,不過價錢就貴一截,其實就唔係好抵,係用開等住用又搵唔到代購嘅時候,都不失一個選擇嘅。


▲紅管眼線液喺香港就難啲搵代購,不過我就覺得貴咗少少,銀管個價錢就都合理。


Mistine三合一眉筆

講開Mistine又點只眼線筆,佢嘅3合一眉筆亦都大受好評。佢一支筆集眉粉、眉筆同埋眉gel一身,一支筆就可以幫你畫好成條條眉,唔使買幾個產品咁散修修。呢支喺香港都買到,價錢都係$60左右,有時減價去到$40幾就好抵,如果撞唔正減價,上網買個價錢都唔差得遠嘅。



Mistine粉餅

Mistine嘅粉餅喺香港可能比較難搵到地方買到,上Amazonm 樣搵得到,$80左右價錢都合理可以接受啊!


Snail White面霜

有留意開護膚品嘅,一定唔會對Snail White呢隻面霜感到陌生。佢係一隻美白面霜,除咗保濕美白,佢包裝仲話有撫平細紋嘅功用。佢嘅設計亦都比較特別,佢嘅泵可以確保每次只會拎到需要嘅份量,咁就夠晒衛生啦!


▲上網買真心抵過喺香港買!喺Amazon大約係$210,足足平喺香港舖頭買成$50。


Milk Plus身體乳液

網上好多人都推介Milk Plus嘅body lotion,佢可以話係泰國熱賣嘅產品。佢嘅包裝盒外型就好似一個牛奶盒,而佢都有濃濃嘅牛奶味,搽完上身就好似有被牛奶滋潤嘅效果。我都係牛奶控,最鍾意牛奶味嘅產品,見到呢個產品介紹都超心動!係要留意返佢本身喺泰國買都係$50左右,我搵過吓啲代購都係$60左右。上Amazon買要成$200,我就覺得唔多抵喇!


▲貴咗好多倍,真心唔抵。

Kiss Skincare 膠原蛋白面膜whitening collagen cream mask

Kiss Skincare係一個泰國醫生開發嘅品牌,佢呢隻膠原蛋白面膜有美白保濕嘅功用,同Snail White隻面霜一樣咁具人氣啊!喺泰國買就大約$230一盒,咁而家喺Amazon買個價錢都差唔多,真係分分鐘仲平過經代購買啊!

▲另一抵買之選,就咁計都每盒平咗$20。

蛇牌爽身粉

呢隻爽身粉都經常榜上有名,佢除咗可以好似普通爽身粉咁,搽喺多出汗嘅位度吸吓汗保持乾爽,聞說佢仲有止痕,防蚊蟲叮咬嘅功能。睇返個價錢,喺Amazon就大約$65有300g,見喺香港150g就賣$26,咁樣買2枝都仲平過喺Amazon買,不過如果用信用卡網購賺返啲優惠都諗得過嘅。


由即日起至2016年9月30日,客戶憑美國運通卡於美國人氣綜合網站TopCashBack首次成功登記成為會員並完成交易後,即可獲取迎新獎賞15美元Amazon亞馬遜禮物卡一張,讓您於下次網上購物時使用。

信用卡優惠詳情可以去〈呢度〉睇。