AIYA哎呀祖琪 之 試食大學地獄canteen

AIYA哎呀祖琪 之 試食大學地獄canteen

相關信用卡:

AIYA哎呀祖琪 之 試食大學地獄canteen

發表日期: 2016 年 03 月 01 日 更新日期: 2016 年 03 月 01 日 飲食

作者:AIYA_JOE



哎呀哎呀哎呀~又係我地阿琪同阿Joe啦,身為大學生嘅我地,平時最鍾意捐窿捐罅搵好嘢食。
各位出街食飯就食得多,依家嘅大學canteen又有咩好嘢食呢?雖然好多人話喺大學食canteen等於食頹飯,但今次我地決定帶大家去各大院校搵食,搵出每間U最好食嘅好西西西西西西西!我哋決定,我哋嚟緊會帶大家去唔同既大學踩場~我阿Joe同穎琪謹此宣誓,無論啲野有幾肥幾好食幾難食,我地都會冒住生命危險食晒佢!



第一擊 - 浸大石門地獄canteen
位於沙田石門嘅浸大分校,呢度嘅canteen得一千零一間。學校附近唔算多嘢食,聽同學講佢哋都嫌難食,寧願遠啲行去第一城食,但有時唔夠時間焗住都要係學校食。我哋兩個偏偏唔信咁大間canteen會無嘢好食,一於去挑戰下先。

咦,就咁睇個menu都係得啲好普通嘅飯,餐蛋通同三文治之類嘅嘢揀。




嘩嘩嘩!點知,俾我哋發現咗有樣新品,叫《鴛鴦脆脆》,改到個名咁囂張就梗係要試下啦。
重有另外一款《芝士火腿菠蘿包》,好多呢度嘅同學仔都推薦,一於試埋佢。

食評時間:


《鴛鴦脆脆》 -  麵包上面淋上煉奶同朱古力醬,一黑一白所以叫鴛鴦。甜甜地,分量適中,啱晒同學仔放Break落嚟食,再加杯嘢飲,盛惠$14。好食指數:6.5/10


《芝士火腿菠蘿包》 -  聽到菠蘿包本身已經流口水,再加埋Joe我最鐘意食嘅火腿,結果會係點呢...結果係好難食,個包焗燶咗,但最奇怪就係火腿同芝士都係唔熱㗎,真係靠唔住喎。配一杯汽水,盛惠$20。好食指數:4/10

正所謂一分錢一分貨,咁呢度食嘢嘅價錢都幾平嘅。但係似乎大部分同學對呢個canteen都唔係幾滿意,10個有9個都俾負皮。希望學校會改善下啦。

浸會大學石門校園canteen
鴛鴦脆脆配一杯汽水:$14
芝士火腿菠蘿包配一杯汽水:$20
是次消費:$34
接受現金及八達通

想知道邊間U有好嘢食,記得留意住Joe同琪下期既推薦啦!See u~~~