AIYA哎呀祖琪 之 教你紮染

哇哇哇～今日係我地第一次出沒～我地就係 AIYA哎呀 既呀琪同呀joe啦～我地平時最中意笑，食，玩，唱歌～～希望黎緊既時間我地可以同你分享更多更多～～～今次就教住你點紮染先啦～

近期好多人都玩紮染，包括各大文青同偽文青們，CAMPING既時候拎住大大塊紮染布出泥曬，氣質都好似唔多啲，多左一層仙氣咁。
Joe同琪當然唔會放過呢個機會，襯住呢股熱潮未過，報番個紮染工作坊，整番個揀tote bag，學做偽·文青。

紮染其實大有學問架，從扎布、染料到上色都有一定要要求，不過只要清楚左，其實一啲都唔難。

第一步：首先準備一個無上色過的Tote bag（無印有得買），之後用橡膠紮住佢，如下圖所示。 (溫馨小提示：愈紮得多，會愈靚）



第二步：然後，要將紮好的袋放入溫水中10MINS，去除表面的物質，令佢之後更加容易上色～浸住袋的同時，要用一支攪棒不停攪不停攪不停攪......




第三步：將浸好左的 Toto bag取出，再將Toto bag放入混合左鹽既染料（半小時），如下圖～



第四步：先準備一桶清水，將已經染好的 Tote Bag柞乾水，然後放入清水（微暖水）過水，如是者，重覆1換水五次，直至水完全清澈。



第五步：將染好的 Tote bag取出，將上面的橡膠剪掉，就～大～功～告～成～yeahhhhhhhh




如果大家睇完呢個POST，對紮染有興趣，不妨參加下唔同既紮染工作坊～