Aisa Miles問題集合​Q&A

Aisa Miles問題集合​Q&A

相關信用卡:

Aisa Miles問題集合​Q&A

發表日期: 2016 年 06 月 22 日 更新日期: 2016 年 06 月 22 日 Asia Miles 信用卡旅遊

作者:Salad Ho 沙律

今次集中咗一堆關於Aisa Miles補發里數、更改飛行獎勵日期、幫好友兌換獎勵等等問題嘅Q&A。睇完應該對Aisa Miles有更加深嘅認識啦~

1.Aisa Miles里數的有效期係幾耐?
里數存入月份計起三年。

2.點樣會被終止會藉?
會員如果喺 36 個月內冇賬戶活動記錄,累積嘅里數積分喺有效期屆滿之際會被取消。

3.點可以延長過咗期嘅里數?
記得里數要喺有效期前兌換獎勵。如果里數過期,可以延續里數有效期三年/轉贈畀「兌換名單」成員,不過要畀返有關服務費。

4.可唔可以延長獎勵有效期?
CX/KA嘅獎勵機票同客位提升獎勵有效期,可以由機票嘅最初到期日起延長最多 30 日,不過要收返服務費為50 美元/5,000里數。而其他夥伴機構嘅獎勵有效期唔可延長。

5.點樣申請補發里數?
首先login之後拉去網頁最下,Click「補發飛行里數」。

不過要留意唔同航空公司有唔同做法:

-國泰航空/港龍航空/英國航空/澳洲航空/新西蘭航空
填寫網上申請表格,輸入航班編號、出發城市、到達城市、啟航日期、客位級別、「子艙位」資料同機票編號。(喺補發飛行里數頁底)。

中國國際航空 /阿拉斯加航空 /海灣航空 /皇家文萊航空
download 補發里數申請表 (pdf 格式) ,然後將填好嘅申請表+電子機票單據+登機牌正本郵寄到: 香港荃灣郵政局郵政信箱1024號 「亞洲萬里通」。(記得留份copy畀自己)

-其他航班 
已填好嘅補發里數申請表 +電子機票收據+登機證(掃描副本) 電郵到memberprofile@asiamiles.com/傳真到(+852) 2312 0883/郵寄:香港荃灣郵政局郵政信箱1024號 「亞洲萬里通 」。

6.加入Asia Miles前嘅旅程或者交易,可唔可以補賺返里數?
大家可以申請補返加入會員前最多 30 天內,已經完成嘅認可交易去賺取里數。

7.如果未能使用已兌換嘅獎勵,可唔可以申請退款?
如果想取消飛行獎勵/退款,首先要喺獎勵有效期前申請。而且個獎勵一定係完全未使用,而且要畀手續費美金$120/12,000里數。

8.可唔可以改飛行獎勵嘅日期?
一般飛行獎勵嘅有效期係簽發日計起一年。如果要改旅遊日期,可以畀繳付美金$25/1,000里數,聯絡Asia Miles辦理手續。

9.如果差少少里數先換到獎勵,可唔可以補錢換獎勵?
如果已經有兌換獎勵嘅 70% 里數,就可以透過「 達成里賞」,以 2,000 里數為一組(美金$60)買返餘下所需里數。

10.點樣拎獎勵機票?
大部分航線都會用email send電子機票畀你。如果航線要使用紙張機票,Asia Miles會寄機票去你訂票時所提供嘅地址。

11.可唔可以否跳過下一班航班,然後繼續旅程?
唔可以。
因為機票其中一個使用原則係:
每張機票必須依照簽發嗰陣嘅次序逐張使用。如機票唔根次序使用,之後嘅機票就會被取消。

12.可唔可以幫好友兌換獎勵?
你可以為Asia Miles上「兌換名單」嘅成員兌換各款獎勵。喺「更新兌換名單」內,可以按提名親友增加「兌換名單」成員。你可以一次過提名最多5個親友加入為「兌換名單」成員。

方法:
Login之後,Click「你的帳戶」,再Click「更新個人資料」。

然後Click「更新兌換名單」。

輸入稱謂、姓氏 / 名字同埋會員號碼,記得所有姓名一定要同旅遊證件上面顯示嘅姓名相同。最後仲要入返生日日期進行驗證。

13.登記「兌換名單」成員要唔要手續費?
你可以免費登記頭5位基本成員。之後每個會籍年度裡面,最多可更改3位成員,包括更換現有成員/登記新成員去代替之前刪咗嘅成員。

不過以下2件事就要畀手續費喇。(網上處理:美金$50;其他途徑處理:美金$75)

一:每換1個現有成員。
二:會籍有效期間,免費登記嘅頭5個基本成員限額用晒,如果想再登記1個新成員去代替之前刪咗嘅成員。