Aeon Style 注目貨品掃貨手冊-化妝護膚品篇
Aeon Style 注目貨品掃貨手冊-化妝護膚品篇
相關信用卡:

Aeon Style 注目貨品掃貨手冊-化妝護膚品篇

發表日期: 2016 年 07 月 14 日 更新日期: 2016 年 07 月 14 日 生活
作者:Yvone 二方

康怡Aeon Style新裝修完之後大革新,更加引入咗專賣藥妝嘅Glam Beautique,想知入面有咩買?咁就要睇吓我今次嘅實地考察報告喇!
 


康怡嘅Aeon Style有4層咁多,地下係超市同埋食市,3樓係兒童用品,而我哋最關心嘅藥妝就落喺1樓嘅Glam Beautique同2樓嘅R.O.U.度喇!


首先講吓R.O.U.,佢有少量嘅藥妝賣,而且部份樓下嘅Glam Beautique都有得賣,不過佢都有啲產品係獨有嘅!首先係有Canmake、sweets sweets以及cezanne 3個開架品牌。佢哋都分別有個好大嘅架,啲貨都幾齊㗎!


而我喺R.O.U.發現嘅注目貨品就係Love Liner喇!Love Liner早排人氣爆登,唔少人都話呢隻眼線筆唔溶好好用,原來呢度有得賣!呢度就賣$179,睇番日元定價兌番港幣都係$133,似乎去日本買抵啲!不過如果近期唔去日本嘅話又唔想周圍撲,喺呢度買都係一個選擇。
 

▲賣緊$179。

▲官網都係大約$133,去開日本要去入番啲貨。


 

▲一支$48,日本建議價錢係648yen,計番條數大家差唔多。

R.O.U.仲有Rosette一系列嘅產品賣,如果係Rosette嘅fans就可以留意喇!
 

▲一包3塊$32.9,日本建議售價330yen未連稅,日本係便少少嘅,不過香港都係貴少少啫。

而面膜方面就有Quality 1st嘅面膜。呢款面膜不含防腐劑,而且配合63種美容成份,包括水解骨膠原、ceramide、大豆甾醇(ダイズステロール)、薰衣草油(ラベンダー油)以及柚子果皮油(グレープフルーツ果皮油)等等。



而落到去重點1樓Glam Beautique!呢度有唔少大品牌,出面有得賣嘅品牌呢度都有,好似Maybelline、Revlon、Loreal呢啲都齊晒,不過來得呢度梗係要睇啲特別嘅嘅!

 


 

▲一set $130,有防妝、洗面、toner同埋保濕。

首先講咗護膚品先,首先係Curel。雖然呢個品牌嘅產品出面都有得賣,呢度真係好齊,有成一大個架,由保濕去到防曬都有。品牌主打保濕成份ceramide,可以增強肌膚嘅屏障功能,抵抗外來刺激。呢度仲有1set嘅產品,有齊落妝、洗面、toner、保濕,呢個價錢可以買齊一set試吓都幾抵!依家買任何Curel產品仲會送試用裝一件。


緊接嘅係Freshel,呢度又係好齊!Freshel呢個品牌主打保濕,軟化角質令保濕成份更易吸收。其中我最鍾意嘅係佢嘅保濕凝膠,因為佢一盒就有晒toner、保濕、防曬嘅功效。佢有維他命C做美白嘅有效成份,配合骨膠原以及透明質酸做保濕,而且有SPF26 PA++嘅防曬,非常方便而且價錢也不貴。
 

▲Freshel保濕凝膠(UV美白),$150,日本嗰邊定價有高有低,可以由1000yen至2000yen不等,不過計番2000yen先係150蚊,可以叫朋友幫手買回來。香港買勝在方便可以自己慢慢揀。


 

▲7片$25。

然後到面膜,呢隻Kose Clear Turn 面膜口碑都唔錯!有膠原蛋白提升肌膚彈性,亦配合透明質酸作為保濕成份,亦加入蜂蜜作為亮澤成份。呢個價錢喺出面搵可能有得仲平啲,不過勝在呢度夠多選擇!


 

▲7片$25,日本官網價1512yen32塊,計番大約一塊$3.6,喺香港買都係平均$3.6一塊。

豆乳產品亦都好受唔少女士歡迎。有研究顯示大豆入面嘅異黃酮(isoflavones)有助抵抗衰老嘅情況*。呢個產品除咗大豆異黃酮,佢仲有透明質酸保濕同埋維他命A導體幫助減淡細紋。不過最偉大都係一抽出來就已經係一塊mask形,唔使慢慢喺度打開塊面膜。
* Südel, K. M., Venzke, K., Mielke, H., Breitenbach, U., Mundt, C., Jaspers, S., . . . Gallinat, S. (2005). Novel Aspects of Intrinsic and Extrinsic Aging of Human Skin: Beneficial Effects of Soy Extract¶. Photochemistry and Photobiology, 81(3), 581-587. doi:10.1111/j.1751-1097.2005.tb00229.x 

 

▲大支$38,細支$32。

Softymo嘅洗面膏我一直都好鍾意,因為起嘅泡夠濃密,洗完感覺都好乾淨,而且佢可以落埋妝,雖然我自己都會先落一次妝,但感覺上再洗一次會乾淨啲安心啲咁。呢個系列有分為天然保濕、美白同埋高度保濕,每一款都配合咗唔同嘅成份。天然保濕嘅就係配合咗骨膠原,高度保濕係配合咗透明質酸,而美白款就係配合咗薏米精華。


到化妝品喇,呢度都有唔少日本品牌可以選擇!一入到去我首先俾呢樣貨品吸引住,就係Dollywink 嘅多顏色嘅眼線筆。每日都係一條黑色嘅眼線真係好悶,近排都興喺黑色眼線上面畫一條彩色眼線增添活力,所以一路都想搵支顯色嘅彩色眼線筆。呢支Dollywink眼線筆畫出來帶點霜狀嘅感覺,既可作眼線筆用,亦可以推開當眼影。
 

▲日元兌番大約$74,依家呢度賣$69,抵買呀~


 


再來嘅係Newborn嘅眼線筆同埋眉筆,2樣產品俾我嘅感覺都係走多功能路線。眉筆就係集眉筆、眉粉以及縲縼刷一身,方便係方便,不過我嫌個眉筆筆芯較硬,顏色唔係好出。而眼線筆都係2頭嘅設計,一邊係眼線液,一邊係眼線筆。我試咗上手,2邊都係好實色嘅黑色,下次買眼線筆都會考慮考慮。
 

▲設計走多功能路線,眉筆$79。日本官網價係1296yen,計番大約$98,香港買勁抵。

▲眼線筆亦係2頭設計,一邊液體,一邊係筆狀,亦配合透明質酸以及骨膠原成份,呵護肌膚。

▲顏色很顯色,大力磨擦先掉落,日元定價1300yen,大約係$98,呢度賣$85,好抵!

▲18色只係$100,最適合經常轉換妝容嘅人~

行行下發現呢個彩妝盤,有成18色都係$100,一盒可以做晒眼影、卧蠶、光影、鼻影,真係幾抵玩。得閒仲可以轉吓眼影嘅顏色,有排玩都未會悶啦!
 

▲FASIO睫毛液,一支$88,日本官網定價1200yen,計番港幣$91左右,香港平少少。

最後發現有FASIO嘅睫毛液,配合「Good Curl 極上美捲翹成分」及「Smooth Volume 順滑濃密成分」,聲稱唔會打結,做到輕盈自然濃密效果。佢同時配合修護成份如骨膠原、透明質酸、Panthenol維他命成分及山茶花籽油保濕成分。Panthenol即是原維他命B,有保濕嘅功效。

以上就係我實地考察完嘅心水注目化妝品同埋護膚品喇!嗰日我都有買到嘢,俾錢嘅時候再送咗支細細嘅保濕霜sample,係開心嘅。

依家申請AEON信用卡,就即刻送$200 AEON購物券,而且每月2號及20號,於AEON簽賬購物可獲95折 (美食廣場、特許經營商戶及部份指定貨品除外)。憑卡簽賬每HK$1,可得1分,憑累積積分隨時可免費或以超優惠價換取現金券或精美禮品。 依家喺康怡AEON 2樓入口做緊宣傳,可以即場申請㗎。