88折玩哈囉喂全日祭

9月只過咗一半，十月都未到，但萬聖節活動宣傳已經開始，例如海洋公園今年嘅哈囉喂全日祭除咗有鐵膽聖羅蘭，仲搵埋夏蕙BB同鵬哥盧海鵬拍廣告同微電影，驚嚇度同搞笑度都爆升。而家只限企業包場玩哈囉喂全日祭，要到十月先正式開放俾一般人。

雖然有好多人都話去全日祭要同大陸遊客一齊玩，人太多要等好耐，又話成日被大陸遊客打尖，冇咁好玩，覺得以前只有夜場好好多。無論如何，全日祭仍然好爆，例如今年個限制級鬼屋H14瘋人院，要預約先入得，預約咗3轉仍然都係Full晒，可見其實大部分人都係照去無誤。

如果想去玩全日祭，可以買日間門票 (成人$320、小童$160)，用埋建行 (亞洲) 信用卡買有88折優惠 (要去海洋公園正門售票處買)，每日每張卡最多可以買成人及/ 或小童飛4張。雖然唔及優越門票 (成人$628、小童$314) 可以優先入鬼屋，但價錢差一倍，帶埋小朋友去感受下萬聖節氣氛都OK嘅。另外喺園內餐廳單一簽賬滿$100，有9折優惠。而呢次信用卡優惠會做到出年3月31號，除咗萬聖節，其他時間都用得。