踏入10月,Halloween氣氛愈來愈濃厚,有啲商場都開始搞Halloween佈置,仲有就係主題公園嘅Halloween活動,例如海洋公園哈囉喂全日祭,今年加設咗限制級鬼屋H14瘋人院,要預約先有得玩,聽聞琴日係最後一輪預約,亦都已經爆咗。不過園方話有現場後補輪候,可以放少量游客入埸,如果大家想去但冇預約或預約唔到,就睇下到時你好唔好彩喇。