7折租Wi-Fi蛋

旅行租俗稱「Wi-Fi蛋」嘅Pocket Wi-Fi Router喺外地上網可能係部分人出發前必做嘅動作。以日本、南韓、台灣等香港人熱門旅遊地點為例，日費由$60至$90不等。如果係與友同行，可以Share日費，即時一支公去旅行，亦可以用7折租Wi-Fi蛋，慳多啲旅費。

講緊嘅係DBS同Telecom Square合作嘅優惠，而家延長咗，用DBS Black Card經指定網頁預訂，就有租借Wi-Fi蛋7折優惠。日本用指定型號Wi-Fi蛋日費最平$67，7折之後就係$46.9；而去歐洲一個國家或澳洲日費都係$77，喺同類服務中算平，折後$53.9，不過留意每個地方會有唔同用量。而且佢可以速遞送貨，送去工商業區內嘅「商業大廈」仲免運費。喺指定網頁見到，DBS Eminent Card都有7折。

要預訂首先去指定預訂網頁輸入信用卡頭6個數字，就會返去Telecom Square主頁，Click網頁右上嘅「我想預約」，跟住步驟輸入相關資料，揀完Wi-Fi蛋型號、目的地同日數，就會見到折扣價，確認預訂就OK。預訂期由即日起至12月31號，租借期就由即日起至2015年2月28號，記住預訂要用指定優惠網頁，唔好直接去Telecom Square網頁呀。另外，Citibank一樣有做Telecom Square優惠，但只得9折，亦都係經指定預訂網頁辦手續。