60歲以上限定! $14000住北角丹拿山 ｢雋悅｣!

近排二手樓市吹淡風, 二手成交在創出新低之時, 連價格和租金都受影響而大幅下跌, 傳媒在升市時不斷報導樓市破頂的相關成交例子, 反之, 今時今日, 不論你睇本土味十足的｢動新聞｣, 又或是明撐政府的｢東網｣, 每日二手成交劈價賣房, 或劈租減價例子, 每日都更新, 就像故事連續劇般精彩.
 

唯一手市場卻反應良好, 北區新盤推出打大混戰, 銷售反應十分理想, 講到新樓, 有一間逆市慘淡的, 就是北角房協長者屋｢雋悅｣,呢間長者屋位於北角丹拿山, 為名符其實的小半山區貴格地段,但話明長者屋, 呢間富貴屋的對象並不是普通年青一族, 也不是富二代能夠買到, 話明長者屋target只是夠秤的老人家, 本身客源己受限制, 而長者只是年紀老, 但並不代表老就是水魚, 當日房協話住以高價買一個租住權費, 閒閒地動輒幾百萬, 幾百萬係香港咬老本退休己經唔多穩陣, 仲要押錢去租間富貴屋, 除非你屋企老人家勁有米,否則真係攞個官財本出黎, 諗住臨老嘆番下, 但租左之後有冇錢再食餐好, 我有點保留~ 咁即係搵班老友記著數姐!

有人話, 話明富貴長者屋, 梗係戶口閒閒地有千幾二千萬先攞一部分出黎住下啦, 但問題係, 如果果位老人家有千幾二千萬, 佢直接買間好野再放租收租好過啦, 仲咩要比錢房協先?

明顥, 這是房協在推出這家雋悅時的一大策略性錯誤, 雋悅單位約540個,結果申請入住做上等人的長者, 只有45個單位租得出, 其實約500個就吉左, 故房協有見及此, 今次醒了, 實際一點拎單位出黎放租, 仲主動劈租金價格, 300幾呎單位叫1.4萬起, 而大單位都係講緊3.8萬.

嗱, 呢d就係誠意, 今時今日租金係跌, 但要係北角租個新單位,$14000起標又真係幾誘人,仲要係新樓有哂各項設施, 今次房協市場調查就冇離地了, 雖然你未夠秤依舊冇你份! 但又咁講, 當出名離地的房協都妥協去劈租, 咁香港未來樓市的租金下行壓力, 可想而知罷!?

捱緊租的朋友,光明的日子不遠矣!